سعودی عرب کے فرمانروا شاہ سلمان بن عبدالعزیز نے رمضان المبارک کے آغاز سے قبل سالانہ روایت کے تحت اتوار کی صبح مکہ مکرمہ میں کعبۃ اللہ کو اپنے ہاتھوں سے غسل دیا ہے۔
ولی عہد شہزادہ محمد بن نایف بن عبدالعزیز بھی کعبۃ اللہ کو غسل دینے کے عمل کے دوران شاہ سلمان کے ہمراہ تھے۔وہ جب مسجد الحرام پہنچے تو گورنر مکہ شہزادہ خالد الفیصل نے ان کا استقبال کیا۔
اس موقع پر شاہ سلمان نے مسجد الحرام کے توسیعی اور مکہ مکرمہ کے ترقیاتی منصوبے کے حوالے سے دریافت کیا اور انھیں مرحوم شاہ عبداللہ کے دور میں شروع کیے گئے توسیع منصوبوں پر پیش رفت کے بارے میں آگاہ کیا گیا۔انھوں نے شہزادہ خالد کو ہدایت کی کہ وہ حرم مکی کے توسیعی منصوبے کو ترجیحی بنیاد پر مکمل کرائیں۔
واضح رہے کہ مسجد الحرام کی تعمیر وتوسیع کا بڑا منصوبہ سعودی عرب کے مرحوم فرمانروا شاہ عبداللہ بن عبدالعزیز کے دور حکومت میں شروع کیا گیا تھا۔اس منصوبے کے دو مراحل مکمل ہوچکے ہیں اور اس وقت تیسرے مرحلے پر کام جاری ہے۔
العربیہ ڈاٹ نیٹ
ایرانی عوام شدید ترین مہنگائی کا سامنا کر رہے ہیں؛ حکومت، پارلیمان اور نظامِ حاکمیت…
خراسان کے اہلِ سنت کا بارہواں فقہی مشاورتی اجلاس جمعرات کی صبح، 22 اکتوبر 2026ء…
ترکیہ اور آذربائیجان کے درمیان دیرینہ دوستانہ تعلقات میں تناؤ بڑھنے لگا ہے۔
فرانس کے وزیرِاعظم سیباستیان لیکورنو نے پیر کے روز مختلف علاقوں میں محدود پیمانے پر…
فیلڈ مارشل سید عاصم منیر اہم دورے پر ایرانی دارالحکومت تہران پہنچ گئے۔
جمہوریہ آذربائیجان کے اسکولوں میں حجاب پر پابندی جمہوریت کے اصولوں کے خلاف ہے؛ صدرِ…