شمالی وزیرستان کی تحصیل دتہ خیل کے علاقے دے گان میں پاک فوج کے جیٹ طیاروں کی بمباری سے متعدد عسکریت پسندوں سمیت 150 افراد جاں بحق ہوگئے۔
ایکسپریس نیوز کے مطابق پاک فوج کے جیٹ طیاروں نے رات گئے تحصیل دتہ خیل کے علاقے دے گان میں عسکریت پسندوں کے ٹھکانوں پر بمباری کی جس کے نتیجے میں 150 افراد جاں بحق ہوئے جن میں درجنوں عسکریت پسند اور خواتین و بچے شامل ہیں، جیٹ طیاروں کی بمباری سے عسکریت پسندوں کے کئی ٹھکانے بھی تباہ ہوگئے جبکہ کئی مکانات کو بھی نقصان پہنچا۔
سرکاری ذرائع کا کہنا ہے کہ طیاروں نے عسکریت پسندوں کے 6 ٹھکانوں کو نشانہ بنایا جن میں ازبک عسکریت پسند موجود تھے جبکہ بمباری میں مزید ہلاکتوں کا خدشہ ہے۔
ایکسپریس نیوز