روس : ریلوے سٹیشن پر خاتون کا خودکش حملہ‘ 18 افراد ہلاک‘ 40 زخمی

جنوبی روس میں خاتون نے ایک ریلوے سٹیشن پر خود کش حملہ کرکے 18 افرادکو ہلاک کر دیا، 40 افراد بھی ہوئے۔

فوٹیج بھی جاری کر دی گئی ہے۔ میڈیارپورٹس کے مطابق روس کے شہر ولگوگریڈ میں ایک خاتون خودکش حملہ آور نے ٹرین سٹیشن پر خود کو دھماکے سے اڑا لیا۔ جاری کی گئی سی سی ٹی وی فوٹیج میں دیکھا جاسکتا ہے کہ دھماکاہوتے ہی آگ کا ایک بڑا گولہ سٹیشن کے ہال سے باہر نکلتا ہے اور ساتھ ہی ٹوٹی ہوئی کھڑکیوں سے دھواں نکلنا شروع ہوجاتا ہے۔ روس کی سرکاری تحقیقاتی کمیٹی کے مطابق خاتون خودکش حملہ آور نے ولگریڈ سٹیشن کے داخلی راستے پر تلاشی لینے والی مشین کے قریب اپنے آپ کو دھماکے سے اڑالیا۔ واضح رہے کہ روس آئندہ سال فروری میں اسی علاقے میں سرمائی اولمپکس سوچی 2014ءکی میزبانی کررہا ہے۔ ویب سائٹ لائن نیوز نے حکام کے حوالے سے بتایا خاتون داغستان کی رہائشی تھی۔ نیویارک سے نمائندہ خصوصی کے مطابق سلامتی کونسل نے حملے کو دہشت گردی قرار دیتے ہوئے اسکی مذمت کی ہے۔

نوائے وقت