قادرملا کی شہادت،عسکری تنظیم کا بھارت سے بدلہ لینے کا اعلان

سرکردہ عسکری تنظیم البدر مجاہدین نے عبدالقادر ملا کی شہادت کا بھارت سے بدلہ لینے کا اعلان کردیا ہے۔

بدھ کومیڈیا سے خصوصی گفتگومیں البدرمجاہدین کے سربراہ بخت زمین نے کہا کہ البدر سے تعلق اورپاکستان سے وفا کے جرم میں بھارت نے شیخ حسینہ واجد کی حکومت سے جوظلم عظیم کرایا ہے اس کا بدلہ جلد بھارت سے اس کی سر زمین پرلیں گے، البدر نہ تو بنگلہ دیش کے خلاف ہے اور نہ ہی بنگلہ دیشی عوام کے خلاف بنگالی ہمارے جسم کا حصہ اور مسلمان بھائی ہیں ہم اچھی طرح سمجھتے ہیں کہ بنگلہ دیش کی جماعت اسلامی اوراسلام پسند قوتیں بھارت کو کانٹے کی طرح کھٹکتی ہیں کیونکہ وہ بنگلہ دیش کوبھارتی کالونی بننے کی راہ میں سب سے بڑی رکاوٹ ہیں۔
انھوں نے کہا کہ عبدالقادر ملا کی شہادت سے پاکستان دوست تحریکوں کوتقویت ملی، البدرسے متعلق بھارت نواز اور اسلام دشمن قوتیں جھوٹا پروپیگنڈہ کر کے سورج کے سامنے انگلی نہیں رکھ سکتے یہ صاحب کردار اورباعمل مجاہدین تھے جنھوں نے پاکستان اور اسلام کی سربلندی کے لیے اپنی جان ومال اور مائوں بہنوں کی عزتیں تک قربان کردیں پاکستان کو توڑنے والی جماعت قومی اسمبلی میں پاکستان کو جوڑنے والوں کے خلاف قراردادوںکی مخالفت کرکے ہنوز ملک دشمنی کا ثبوت دے رہی ہے۔

 ایکسپریس نیوز