اے ایف پی کے مطابق اتوار کوحلب کے سخور، ارد الحمرا اور حیدریہ اضلا ع پر بمباری کی گئی۔ ذرائع کے مطابق باغیوں کے ٹھکانوں پر کئی ہیلی کاپٹروں نے بمباری کی ہے۔ دوسری طرف اقوام متحدہ کی جانب سے شام کیلیے امدادی سامان کی پہلی کھیپ اتوارکو عراق کے خودمختار علاقے کردستان کے اربل ہوائی اڈے سے طیارے کے ذریعے روانہ ہوئی۔ اقوام متحدہ کے ایک اندازے کے مطابق شام میںمار چ 2011 سے شروع ہونے والی خانہ جنگی کے نتیجے میں تقریباً 23 لاکھ افراد پڑوسی ممالک ہجرت پر مجبور ہوچکے ہیں جبکہ ملک میں 65 لاکھ افراد بے گھر ہو گئے ہیں۔ ادھر فرانسیسی وزیر خارجہ لوراں فابیوس نے کہا کہ شام میں جاری تصادم پر مجوزہ امن مذاکرات سے انھیں کوئی امید نہیں ہے، فرانس کی کوشش ہے کہ آئندہ ماہ سوئٹزرلینڈ میں ہونے والے مذاکرات کو کامیابی سے ہمکنار کرائے لیکن اس میں بہت زیادہ شکوک و شبہات ہیں۔
انھوں نے کہا کہ فرانس جن حکومت مخالف معتدل گروہوں سے بات چیت کر رہا ہے وہ سنگین دشواریوں میں گھرے ہوئے ہیں۔ واضح رہے کہ امریکا، اقوام متحدہ اور روس کئی ماہ سے امن مذاکرات منعقد کرانے کے لیے کوششیں کر رہے ہیں جسے جنیوا-2 کے نام سے جانا جاتا ہے۔ گذشتہ ہفتے ملنے والی اطلاعات کے مطابق ابھی تک 30 ممالک کے نمائندوں نے کانفرنس میں شرکت کی خواہش ظاہر کی ہے۔ اے پی پی کے مطابق اقوام متحدہ کے سیکریٹری جنرل کے ترجمان مارٹن نیسیرکی نے اعلان کیا کہ مسئلہ شام کے بارے میںبین الاقوامی کانفرنس 22 جنوری کو سوئٹزرلینڈ کے شہر مونٹرو میں منعقد کی جائے گی۔ اقوام متحدہ کے سیکریٹری جنرل بان کی مون نے کہا کہ شام میں کیمیائی ہتھیار استعمال کرنے والوں کے خلاف پابندیاں لگائی جائیں۔ جنرل اسمبلی میںخطاب کرتے ہوئے انھوں کہا کہ میں انتہائی افسوس کے ساتھ یہ کہوں گا کہ شام میں کیمیائی ہتھیاروں کا استعمال کیا گیا ہے۔
ایکسپریس نیوز
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…