طالبان رہنما ملا برادر کو آج رہا کر دیا جائے گا، دفتر خارجہ

 پاکستان میں قید ملا عبدالغنی برادر کو ہفتہ کو رہا کردیا جائے گا۔ دفتر خارجہ کا کہنا ہے کہ ملا برادر کی رہائی افغان امن عمل آگے بڑھانے کی کوشش ہے۔

میڈیا رپورٹس کے مطابق دفتر خارجہ کے ترجمان نے اپنے بیان میں کہا ہے کہ ملا عبدالغنی برادرکو ہفتہ کے روز رہا کردیا جائے گا ان کی رہائی کا مقصد افغان مفاہمتی عمل میں تعاون کرنا اور امن عمل کو آگے بڑھانے کی ایک کوشش ہے۔ انہوں نے کہا کہ افغان امن عمل  کے حوالے سے ملا برادر کی رہائی اہم ہے۔ پاکستان افغانستان میں قیام امن کا سب سے بڑا خواہش مند ہے کیونکہ افغانستان میں امن واستحکام سے ہی پاکستان اور خطے میں امن کا قیام ممکن ہے ۔

اردو ٹائمز