شام میں جاری جھڑپوں میں مزید چار مہاجر فلسطینی شہید

شام میں سرکاری فوج اور باغیوں کے درمیان خوفناک جھڑپیں جاری ہیں، شامی حکومت اور عوام میں جاری اس تنازے میں پہلے ہی ساڑھے دس سو سے زائد فلسطینی مہاجرین بھی شہید کر دیے گئے ہیں، تازہ اطلاع کے مطابق مزید چار فلسطینیوں کو خون میں نہلا دیا گیا ہے۔
مقامی روزنامے ’’القدس‘‘ کے مطابق سرکاری فوج کے پچاس کے قریب میزائل فلسطینیوں کے خان شیخ  کیمپ پر آ کر گرے، دو فلسطینی خواتین ان راکٹ حملوں کی زد میں آکر زخمی ہوئیں، دارالحکومت دمشق میں واقع کیمپ میں کی گئی اس گولہ باری میں 34 فلسطینی اور شامی شہری بھی زخمی ہوئے۔
ذرائع نے بتایا کہ شامی فوج نے شہید ہونے والے فلسطینی نوجوان محمد بقلہ کی نعش ورثاء کے حوالے کر دی ہے انہیں چھ ماہ قبل یرموک کیمپ سے گرفتار کیا گیا تھا۔ درعا کیمپ میں بھی سرکاری فوج کی گولہ باری سے ایک فلسطینی نوجوان عاصم البکر جام شہادت نوش کر گیا۔

مرکز اطلاعات فلسطین