کراچی گیس دھماکہ: متزاد رپورٹیں، معاملہ الجھن کا شکار

پیر کی شب ڈیفنس کے علاقہ قیوم آباد پل کے قریب ہونے والے دھماکہ کے بارے تین مختلف رپورٹوں کے منظر عام پہ آنے کے بعد معاملہ الجھن کا شکار ہوگیا۔
قیم آباد فلائی اوور کے قریب گیس پائپ لائن میں دھماکا ہوا جو اتنا زوردار تھا کہ آواز دور دور تک سنی گئی۔
سوئی سدرن گیس کمپنی کا کہنا تھا کہ یہ ایک کریکر حملہ تھا جس میں ایک سب اسٹیشن کو نشانہ بنایا گیا۔ انکا کہنا تھا کہ دھماکہ کے باعث اسٹیشن کی دیورایں منہدم ہوگئیں تاہم گیس ریکارڈ محفوظ رہا۔
دریں اثناء پولیس کا موقف تھا کہ دھماکہ گیس پائپ لائن پھٹنے سے ہوا ہے جس میں ایک اہلکار زخمی بھی ہوا ہے۔
تاہم پولیس کے بم ڈسپوزل اسکواڈ کے مطابق دھماکا دہشت گردی کا نتیجہ تھا جس میں دوسوکلوگرام بارودی مواد استعمال کیا گیا۔
انکا کہنا تھا کہ یہ دھماکہ ایک ٹائم ڈیوائس کی مدد سے کیا گیا ہے۔ دھماکے میں ایک پولیس اہلکار زخمی بھی ہوا۔
دوسری جانب شہر میں ٹارگٹ کلنگ کا نہ رکنے والا سلسلہ پیر کے روز بھی جاری رہا۔
گارڈن میں فائرنگ سے ایک شخص جاں ہلاک اور ایک زخمی ہوگیا۔ لیاری میں نامعلوم افراد کی فائرنگ سے ایک شخص چل بسا۔
گلشن اقبال میں ایک نوجوان کو گولیوں کا نشانہ بنایا گیا۔ جبکہ احسن آباد میں پراپرٹی ڈیلر کے دفتر پر فائرنگ سے تین افراد ہلاک ہوئے۔
واقعے کے بعد علاقے میں خوف و ہراس پھیل گیا جبکہ دکانیں و کاروبار بند ہوگیا۔ دوسری جانب سی آئی ڈی پولیس اسپیشل انوسٹی گیشن پولیس نے منگھوپیر اور شیر شاہ میں کارروائی کرکے کالعدم تحریک طالبان کے دو ملزمان سمیت تین افراد کو گرفتار کرلیا۔
پولیس کے مطابق ملزمان عالمی ادراہ صحت کی ٹیموں پر حملہ کرنے اور ٹارگٹ کلنگ سمیت بھتہ خوری کی متعدد وارداتوں میں ملوث ہیں۔

ڈان نیوز