کوئٹہ اور اندرون بلوچستان فائرنگ کے مختلف واقعات میں عالم دین مفتی رحمت ﷲ سمیت 3 افراد جاں بحق، 2 زخمی ہوگئے۔
تفصیلات کے مطابق کوئٹہ کے علاقے سیٹلائٹ ٹائون میں موٹرسائیکل سواروں نے فائرنگ کرکے جامع مسجد میاں خان کے پیش امام مفتی رحمت اﷲ کو شہید کردیا، جبکہ شاہرگ میں نامعلوم افراد کی فائرنگ سے خانہ بدوش عبدالباری جاں بحق ہوگیا۔
کوہلو میں دوگروہوں کے درمیان فائرنگ کے تبادلے میں زخمی ہونے والا عمر ہسپتال میں زخموں کی تاب نہ لاتے ہوئے جاں بحق ہوگیا۔
اس سے قبل بھی متعدد وارداتوں میں کوئٹہ شہر کے متعدد ائمہ مساجد اور موذنین کو نامعلوم دہشت گردوں نے فائرنگ سے شہید کردیاہے۔
ایکسپریس نیوز/خبررساں ادارے