کراچی سمیت سندھ کے مختلف شہروں میں گزشتہ روز فائرنگ کے واقعات کے بعد کاروباری مراکز اور تعلیمی ادارے بند ہیں جبکہ سڑکوں پر ٹریفک بھی نہ ہونے کے برابر ہے۔
گزشتہ رات کراچی میں نامعلوم افراد کی جانب سے فائرنگ کے بعد بند ہونے والا کاروبار آج بھی نہیں کھل سکا ، کاروباری مراکزی ، دکانیں ، تعلیمی ادارے اور نجی دفاتر مکمل طور پر بند ہیں جبکہ سرکاری اداروں میں بھی حاضری نہ ہونے کے برابر ہے ۔ پیٹرول پمپس کی بندش کے باعث سڑکوں پر پبلک ٹرانسپورٹ بھی نہ ہونے کے برابر ہے۔ شہر میں کشیدگی کے باعث کراچی بار ایسویس ایشن کے آج ہونے والے سالانہ انتخابات بھی ملتوی کردئے گئے ہیں۔
کراچی کے علاوہ سندھ کے دیگر شہروں حیدر آباد، سکھر، میر پور خاص، نوابشاہ، سانگھڑ اور محراب پور میں بھی کاروباری مراکز، مارکیٹیں اور پبلک ٹرانسپورٹ مکمل طور پر بند ہے۔
ایکسپریس نیوز