کرد فوج عراقی علاقے کرکوک کی سرحد پر تعینات

عراق کے اپنے صوبے کردستان کے ساتھ سیکیورٹی تنازع مزید بگاڑ کا شکار ہو گیا ہے جس کے دونوں کے درمیان قضیئے کا حل عملاً ناممکن ہوتا چلا جا رہا ہے۔
عراقی وزیر اعظم نوری المالکی نے کردستان صوبے کے حکام پر بحران میں شدت کا ذمہ دار قرار دیا ہے۔ انہوں نے خبردار کیا کہ اس کے بعد صورتحال قابو سے باہر ہو جائے گی۔

نوری المالکی کے الزامات کے تناظر میں تازہ دم کرد سپاہ کرکوک کے قریب پہنچ گئی ہے۔ نوری المالکی کے خیال میں گزشتہ چند گھنٹوں کے دوران تازہ دم کرد فوج کی کرکوک تک تعیناتی اس بات کی مظہر ہے کہ کردستان تنازع کا حل نہیں چاہتا ہے۔

العربیہ نیوز چینل