امریکا: دوران پرواز مسافر کی نماز ادائی پر جہاز کی ہنگامی لینڈنگ

امریکا کی فضائی کمپنی ‘یونائیڈ ایئرلائن’ کے پائلٹ نے دوران پرواز جہاز کی راہداری میں ایک مسافر کی جانب سے نماز ادائی پر ہنگامی لینڈنگ کر کے سب کو حیران کر دیا۔
العربیہ ڈاٹ نیٹ کے مطابق یونائیٹڈ ایئر لاینز کی پرواز کو واشنگٹن کے ‘ڈولز انٹرنیشنل’ ایئر پورٹ پر لینڈ کرنا تھا تاہم طیارے کے پائلٹ کو جب معلوم ہوا کہ ایک مسافر نے جہاز کے اندر بے چینی کی حالت میں نماز کی ادا کرنا شروع کر دی ہے تو اس نے طیارے کو مقررہ رن وے کے بجائے ایک دوسرے رن وے پر شیڈول ٹائم ست تیرہ منٹ قبل ہی اتار دیا۔

لبنانی اخبار ‘السفیر’ کے مطابق مسافر طیارے کے پائلٹ کا کہنا ہے کہ اسے راہداری میں مسافر کی نماز ادائی کی اطلاع ملی تو اس نے کنٹرول ٹاور کو اس امر کی اطلاع دی۔ فوری طور پر جہاز کو لڑاکا طیاروں نے اپنے حصار میں لے لیا اور پائلٹ نے لینڈنگ کے مقررہ وقت سے 13 منٹ پہلے ہی جہاز کو ایک دوسرے مقام پر اتار دیا۔

طیارے کی ہنگامی لینڈنگ کے ساتھ ہی سیکیورٹی حکام طیارے میں داخل ہوئے اور انہوں نے نماز ادا کرنے والے مسافر کو جہاز سے اتار کر حراست میں لے لیا۔ گرفتاری کے وقت مسافر سخت مضطرب اور خوفزدہ دکھائی دیتا تھا۔
العربیہ ڈاٹ نیٹ