تایباد(سنی آن لائن) مولانا محمد یامدد، شیخ الحدیث ’انوارالعلوم‘ خیرآباد، منگل تیس اکتبرکومشرقی صوبہ خراسان کے شہر تایباد میں انتقال کرگئے؛ اناللہ وانا الیہ راجعون۔
’انوارالعلوم خیرآباد‘ کی ویب پورٹل (انوارویب) کے مطابق جامعہ کے سینئراستاذ وشیخ الحدیث تایباد کے ایک مقامی اسپتال میں اپنے خالق حقیقی سے جا ملے۔ حرکت قلب بندہونے کے نتیجے میں جامعہ اسلامیہ علامہ بنوری ٹاؤن کراچی کے فاضل’ مولانامحمد یامدد ‘ وفات پاگئے۔ آپ کی پیدائش 1955ء میں ہوئی تھی۔
دریں اثنا جامعہ دارالعلوم زاہدان کے مہتمم اور اساتذہ نے ایک تعزیتی پیام میں مولانامحمدکے سانحہ ارتحال پر ان کے اہل خانہ، متعلقین اور طلبہ سے تعزیت کا اظہار کیاہے۔ پیام کے مطابق اس ناگوار واقعے پر انہیں سخت صدمہ پہنچا، اللہ تعالی ان کی لغزشوں سے درگذر فرماکر انہیں جنت میں اعلی مقام عطا فرمائے اور ان کے متعلقین کو صبرجمیل نصیب فرمائے، آمین۔