کراچی (جنگ نیوز) کراچی میں فائرنگ اور بوری بند لاشیں ملنے کا سلسلہ جاری ہے اور ان پر تشدد واقعات میں بدھ کو 8افراد اپنی جان سے ہاتھ دھوبیٹھے۔
کراچی میں الفلاح کے صدیق گوٹھ میں فائرنگ کر کے شہزاد شاہ کو قتل کردیا گیا۔
شارع فیصل پر نرسری اسٹاپ کے قریب ڈکیتی میں مزاحمت پر فائرنگ صٹ عتیق نامی شخص ہلاک ہوگیا۔
رنچھوڑ لائن سے نوجوان کی ہاتھ پاوٴں بندھی لاش برآمد ہوئی ہے جسے گولی مار کر قتل کیا گیا۔
نیپئر روڈ سے ملنے والی لاشوں کی شناخت فرحان شاہ اور عادل کے نام سے ہوئی ہے جن کا تعلق سیاسی جماعت سے بتایا جاتا ہے، دونوں افراد لیاری اور پاک کالونی کے رہائشی تھے۔
پٹیل پاڑہ سے ملنے والی لاش کی شناخت محمد عارف کے نام سے ہوئی ہے جسے گزشتہ روز اغواء کیا گیا تھا۔
جمشید کوارٹر میں کچرا کنڈی سے ملنے والی لاش بھی سیاسی جماعت کے کارکن شیخ محمد عارف کی ہے وہ جمشید ٹاون کا رہائشی ہے۔
جبکہ محمد اکرام کے نام سے سے شناخت کی جانے والی لاش مقامی صحافی کے رشتہ دار کی ہے۔