نئي دہلي(جنگ نیوز) بھارتي رياست آسام ميں مسلمانوں اورمقامي افرادکے درميان جھڑپوں ميں 11 افراد ہلاک ہوگئے، حالات پر قابو پانے کے ليے فوج کي مدد طلب کرلي گئي.
بھارتي رياست آسام کي پوليس کے مطابق رياست ميں مسلمان آباد کاروں اور مقامي بودو کميونٹي کے درميان زمين کے تنازعہ پر ہونے والے فسادات ميں کم از کم 11 افراد ہلاک ہوگئے ہيں.
پوليس کے مطابق رياستي دارالحکومت گوہاٹي کے مغربي ضلع کوکراجھر ميں يہ جھڑپيں دو روز سے جاري ہيں اور حالات پر قابو پانے کے ليے فوج کي مدد طلب کي گئي ہے.
يہ تنازعہ جمعہ کو ايک شخص کي ہلاکت پر شروع ہوا اور آس پاس کے تقريبا چھ ديہات تک پھيل گيا. اس کے نتيجے ميں سات ہزار لوگ جانيں بچانے کے ليے نقل مکاني کرگئے ہيں.