مستونگ(جنگ نیوز) ضلع مستونگ ميں کوئٹہ سے نوشکي جانے والي مسافربس کے قريب بم دھماکے کے نتيجے ميں چھ افراد ہلاک جبکہ پچاس زخمي ہوگئے.
ذرائع کے مطابق تين مسافر بسيں مسافروں کو لے کر کوئٹہ سے نوشکي جارہي تھيں کہ مستونگ کے علاقے درينگڑھ ميں سڑک کنارے رکھا گيا دھماکہ خيزمواد زور دار دھماکے سے پھٹ گيا جس کے نتيجے ميں وہاں سے گذرنے والي ايک بس کو شديد نقصان پہنچا، دھماکے کے نتيجے ميں بس ميں سوار چھ افراد جاں بحق جبکہ پچاس مسافر زخمي ہوگئے، زخميوں کو مستونگ اور کوئٹہ منتقل کردياگيا.
وہاں سے گزرنے والے ايک عيني شاہد ڈاکٹر مشتاق نے جيو نيوز کو بتايا کہ بظاہرلگتا ہے کہ دھماکہ سڑک کنارے کھڑي موٹرسائيکل کے زريعے کياگيا جس ميں دھماکہ خيز مواد نصب کياگيا، دھماکے سے بس تقريبا مکمل تباہ ہوگئي.
زخميوں ميں سے بعض کي حالت نازک بتائي جارہي ہے اور ہلاکتوں ميں اضافے کا خدشہ ظاہر کيا جارہا ہے.