ابامہ کو اسامہ کیخلاف آپریشن سے منع کیا تھا، جوبائیڈن

واشنگٹن(ايجنسياں) امریکا کے نائب صدر جوبائیڈن نے کہا ہےکہ میں نے صدر باراک اوبامہ کو ایبٹ آباد میں اسامہ بن لادن کے خلاف کمپاؤنڈ میں آپریشن سےمنع کیا تھا۔
امریکی میڈیا کے مطابق امریکی نائب صدر نے کہا ہےکہ اوبامہ کابینہ میں لیون پنیٹا کے علاوہ کسی نے آپریشن کی حمایت نہیں کی تھی جب کہ سیکورٹی ایڈوائزرز،  وزیر خارجہ اور چیف آف اسٹاف نے آپریشن کی سخت مخالفت کی تھی۔
صدر جوبائیڈن نے کہاکہ میں نے اوبامہ کو مشورہ دیا تھا کہ کمپاؤنڈ میں آپریشن کرنے سے پہلے اسامہ کی موجودگی کی مکمل تحقیقات کی جائیں۔
یادرہے قبل ازیں امریکی وزیر دفاع لیون پنیٹا نے کہا تھا کہ پاکستان کے ڈاکٹر شکیل نے اسامہ بن لادن  کی ابیٹ آباد کے کمپاونڈ میں موجودگی کے بارے میں انتہائی اہم معلومات فراہم کی تھی۔