دعوے من گھڑت اور فرضی ہیں۔ ہاشمی

بغداد(خبرايجنسياں) عراق کے نائب صدر طارق الہاشمی نے اپنی گرفتاری سے متعلق فیصلے پر ردعمل پیش کیا ہے اور اپنے متعلق دعووں کو من گھڑت اور فرضی قرار دیا ہے۔
انہوں نے کہا ہےکہ “اگر ان دعووں کی تحقیق کے لئے آزاد عدالت کا قیام عمل میں آتا ہے تو میں عدالتی کاروائی کا سامنا کرنے کے لئے تیار ہوں”۔
ہاشمی نے کہا کہ عراق میں آئین کو آزادی حاصل نہیں ہے انہوں نے منصفانہ عدالتی کاروائی کے لئے عدالت میں عرب لیگ اور اقوام متحدہ کے نمائندوں کی موجودگی کی بھی شرط رکھی ہے۔
واضح رہے کہ عراق کے اعلی سطحی سنّی سیاسی شخصت ہاشمی کی گرفتاری کا حکم ان کے حفاظتی دستے سے ۳ افراد کے اعتراف پر دیا گیا تھا۔
ہاشمی پر دہشت گردوں کے ساتھ تعاون کرنے کا الزام عائد کیا گیا ہے اور ان پر ملک سے باہر نکلنے پر پابندی لگا دی گئی ہے ۔