رابطہ عالم اسلامی کانفرنس مکہ مکرمہ میں شروع

مکہ مکرمہ(خبرايجنسياں) اسلامی دنیا ،مسائل اور حل کے زیرعنوان رابطہ عالم اسلامی کانفرنس مکہ مکرمہ میں شروع ہوگئی، کانفرنس میں پاکستان،ایران سمیت دنیا بھر سے 25 ممالک کے علماشریک ہیں۔
سعودی عرب کے شہر مکہ مکرمہ میں اسلامی دنیا ،مسائل اور حل کے زیرعنوان رابطہ عالم اسلامی کانفرنس شروع ہوگئی کانفرنس میں پاکستان،ایران سمیت دنیا بھر سے 25 ممالک کے علما شریک ہیں ،کانفرنس میں پاکستان سے مولانا تقی عثمانی اور مفتی رفیع عثمانی شریک ہیں.
کانفرنس کے موقع پر خادم الحرمین شریفین شاہ عبد اللہ بن عبد العزیز کا امت مسلمہ کے نام پیغام میں کہا ہے کہ امت مسلمہ کے مسائل کے حل کے لئے خارجی خطرات سے نمٹنے کے لئے لائحہ عمل تیار کریں،داخلی جماعتوں کی نادانیوں اور خارجی یلغار سے نمٹنے کیلئے ٹھوس اور موثر لائحہ عمل ناگزیر ہے،شاہ عبداللہ نے کہاکہ امت مسلمہ کو مسلک پرستی اور فرقہ پرستی کی بنیادوں پر منتشر کرنے کی کوشش کی جا رہی ہے، علما مسلک پرستی اور فرقہ پرستی کی کوششوں کی مزاحمت کریں۔
اس موقع پر مفتی اعلیٰ سعودی شیخ عبدالغریز آل لشیخ کا کہنا ہے کہ امت مسلمہ اپنی تاریخ کے انتہائی نازک دور سے گزررہی ہے، انھوں نے کہاکہ ہمیں علم کی روشنی گھر گھر پہنچانی چاہئیے،عوام اور حکام کے درمیان رابطے قائم رکھنے کی اشد ضرورت ہے۔