غزہ میں پراسرار دھماکے اور گولہ باری سے 4 فلسطینی شہید

غزہ (آن لائن) غزہ میں ایک پراسرار دھماکہ میں دو فلسطینی شہید ہو گئے۔

میڈیا رپورٹ کے مطابق عینی شاہدین اور ہسپتال ذرائع نے بتایا کہ مشرقی غزہ اور اسرائیل کے درمیان سرحد کے نزدیک دو فلسطینی مزاحمت کار اس وقت جاں بحق ہو گئے جب وہ سڑک کنارے بم نصب کرنے کی تیاری کر رہے تھے۔ جو حادثاتی طور پر دھماکے سے پھٹ گیا۔ عینی شاہدین کے مطابق اس موقع پر زور دار دھماکہ ہوا جس سے وسطی غزہ میں واقع البریحی پناہ گزین کیمپ لرز اٹھا۔ ڈاکٹروں نے ہلاک شدگان کی شناخت ناجی النبین اور ایمن ایو کھوبہ کے طور پر کی گئی ہے اس سے قبل مقامی اطلاعات کے مطابق اسرائیلی فوج نے مشرقی غزہ میں پناہ گزین کیمپ کے علاقے میں دو مارٹر گولے داغے جس میں دو فلسطینی شہید ہو گئے تھے۔ تاہم اسرائیلی فوج نے علاقے میں کسی فوجی کارروائی کی تردید کی ہے۔