معینالدین سعیدی، چهبار ءِ پێسر ءِ پارلمان ءِ جهگیر ءَ ماں گپءُتراں گۆں انصاف نیوز ء هالرسانی ءِ تندجاه ءَ سیمسرانی دیوال کنگ ءِ بابت ءَ گوشت: شاید اے کردارانی سوب اێش بیت که ادا پهازۆکی بنگپ شه مالزانشت ءِ دێمرئی ءِ بنگپ ءَ دێمتر ءُ مهمتر انت.
سعیدی گێش کرت: هرجا ماں دنیا ءَ سیمسراں دێمرئی ءِ سوب انت. نون هم مئے استان ءِ زربار ءَ شه ریمدان ءِ سیمسر ءَ رۆچے 300 ٹانکر گێس باپارَ بیت، آ هم ماں اے بندشی جاور ءَ. البت واجه منصور بیجار، سیستان ءُ بلوچستان ءِ استاندار ءَ هم وتی کانودی اهتیارانی رد ءَ جهد کرتگ که سیمسری ڈیلءُڈۆلاں جۆڑ کنت تاں کارءُباراں راه کپ انت.
چهبار ءِ پێسر ءِ جهگیر ءَ گوشت: پهازۆکی بنگپان په ما پهکان هژدری انت، بلے اے که په پهازۆکی بنگپانی نیمۆن ءَ مالزانشت ءَ نادلگۆش کن اێں اے یک درۆشمێں وتبندشی ئے.