پاکستان ءِ کارمستراں رۆدراتکی بلوچستان ءِ مردمانی «حقێں لۆٹانَ» منّ انت/ هردو پاٹی وتی جێڑهانَ گۆں ترانکاری ءَ گیشءُگیوار کن انت

زاهدان ءِ آدێنگ ءِ امام ءَ جمعه ءِ شام ءَ پد (14 دی‌ماه 1403) ماں قصرقند ءِ دینی وانگجاه ءِ حافظانی تجلیل ءِ دیوان ءَ پاکستان ءِ کارمسترانَ سۆگه کرت که رۆدراتکی بلوچستان ءِ دێرێں جێڑهانَ گۆں گپءُتران ءَ گیشءُگیوار کن انت. پاکستان ءِ ٹوهێں کارمستراں اے چیز ءَ زان انت که مشکلانی دور کنگ ءِ گهترێں راه گپءُتران انت که دۆئێنانی سۆب ءَ انت.

واجه ءَ گوشت: بلوچستان ءِ مردمانی حقێں لۆٹاں پیلو کنگ به انت ءُ پاکستان ءِ واکداراں اے لۆٹانَ منّ انت. منی سۆگه په منی درێں براساں ماں رۆدراتکی بلۆچستان ءَ هم همێش انت که جنگ ءُ جیڑہ ءِ بدل ءَ «گپءُتران» ءَ کارمرز به کن انت که شه اێشی ءَ دوئێں نێمگاں تاوان رس ایت.