زی جمعه ءَ (16 آذرماه 1403) سراوان ءِ عینالعلومء گشت ءِ زانتدربرانی پنجاهمی ئێں پاگبندی دیوان برجم دارگ بوت. ماں اے دیوان ءَ که شه پنچشمبی ءِ بێگاه ءَ بنگێج بوت ات، اهلسنتانی نامءُتواری ئێں واجهاں شه ایران ءِ کنڈکنڈ ءَ ماں گشتء مێتگ ءَ مچ بوت ات انت. ماں اے بےمٹێں دیوان ءَ واجه شیخالاسلام ایران ءِ اهلسنتانی معنوی ئێں رهشۆن، کاک حسن امینی کردستان ءِ حاکمء شرع، شیخالتفسیر مولانا محمدحسین گرگیچ، مولانا محمدگل، مولانا محمدعثمان، مولانا حافظ احمد گوهرکوهی، مولانا اسلام دوست، مولانا عبدالاحد ءُ مولانا محمدطیب ملازهی ءُ دگه بازێنے شه کردانی پاگواجهاں ءُ ایران ءُ اۆگانستان ءِ پاگواجهاں بهر زۆرت ات.
اے دیوان ماں دۆ بهر ءَ برجم دارگ بوت که اۆلی بهر شه پنچشمبی ءِ شام ءِ نماز ءَ پد بنگێج بوت که لهتے شه پاگواجهاں آ درگت ءَ هبر کرت ءُ دۆمی بهرے آدێنگ ءِ سهب ءَ گۆں واجه شیخالاسلام ءِ درس حدیث ءَ بنگێج بوت.
ماں اے دیوان ءَ شه ٣٠٠ زانتدربر، ٤٦ حافظ، ٥٢ فاضله (جنێنێں زانتدربر)، ١٢ حافظه، ٨١ تخصص فقه ءِ دربرۆک، ١٩ نفر شه اصول حدیث ءُ ٥٦ نفر شه کلاس تجوید ءِ دربرۆکاں تجلیل بوت.
مولانا سید عبدالکریم حسینپور (عینالعلومء گشت ءِ سرمستر) ءَ هم ماں گونڈێں درشانے شه مهمانانی بهر زورگ ءَ ماں اے دیوان ءَ منتوار بوت.
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (8 اسفند 1404/ 28 فبروری 2026) گۆں اشاره به ملک…
بلوچستان وَ دلبرێجۆکێں پێشامدانی سرڈگار انت ءُ دراجکشێں وھدے بیت که انسانی حقانی لگتمالی، مالی جنجال، بےرۆزگاری ءُ دگه بازێں…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (۱ اسفند ۱۴۰۴/ ۲۰ فبروری ۲۰۲۶) گۆں اشاره به جنگ…
مولانا فضلالرحمان کوهی ماں پشامگ ءِ نمازجمعه ءِ دیوان ءَ (24 بهمن 1404/ 13 فبروری 2026) گۆں اشاره به ملک…
سردار ءِ کردءُکار حکومت قلات ءِ گڈی حاکم میراحمد یارخان وتی نویستگێں کتاب «تاریخ خوانین بلوچ» ءُ 12 اگست 1947…
شیخالاسلام مولانا عبدالحمید، ماں زاهدان ءِ نمازجمعه ءَ دیوان ءَ (24 بهمن 1404/ 13 فبروری 2026) ملک ءِ دیماه ءِ…