سنیآنلاین| زاهدان ءُ خواش ءِ هۆنێں جمعه ئانی ٹپی ءُ شهیدانی لۆگماناں زی چارشمبی ءِ بێگاه ءَ (23 آبان 1403) گۆں واجه شیخالاسلام مولانا عبدالحمید ءَ ماں زاهدان ءِ مزنێں مکی مسیت ءَ نیاد ءُ گپءُتران کرت.
🔹ماں اے نیاد ءَ مولانا محمدعثمان (خواش ءِ مدینةالعلوم ء دینی وانگجاه ءِ سرۆک ءُ آدێنگ ءِ امام)، مولانا محمدگل (خواش ءِ مخزنالعلوم ء دینی وانگجاه ءِ سرۆک) ءُ لهتے دگه شه زانتکار، کماش ءُ اسپےریشاں هوار ات انت.
🔹 ماں اے دیوان ءَ شیخالاسلام مولانا عبدالحمید، مولانا محمدعثمان ءُ لهتے شه زاهدان ءُ خواش ءِ ٹپی ءُ شهیدانی لۆگماناں گپ جت.
🔹 مولانا عبدالحمید ماں اے دیوان ءَ شه نۆکێں سرکار ءِ نیت ءَ په «زاهدان ءُ خواش ءِ هۆنێں جمعه ئانی پێشامدانی گێشءُگیوار» ءَ هال دات ءُ گوشتء: اے مراگش پرے سوب ءَ برجم دارگ بوتگ تاں شه زاهدان ءُ خواش ءِ آدێنگانی پێشامدانی ٹپی ءُ شهیدانی لۆگمانانی لۆٹ ءُ دیدانکاں سهی به اێں.
🔹 زاهدان ءِ آدێنگ ءِ امام ءَ ماں ا ے نیاد ءَ په «ایران ءِ مردمانی یکویی ءُ کوشست په آوانی سۆب ءُ نپ ءَ» سک سۆگه کرت ءُ گوشتء: ما گۆں ایران ءِ تیوگێں استمان ءَ شه جنێں ءُ مردێناں ءُ راج ءُ مذهباں یکے اێں ءُ ماں آوانی رنج ءُ وشالیاں هوار اێں. مئے پکر ءُ سسا ایران ءِ استمان ءِ سۆب ءُ نپ انت ءُ همےپێما دێما رو اێں.
🔹 مولانا عبدالحمید همےرنگ شه «شهید ءُ ٹپیانی لۆگمان ءُ لس مردمانی اۆپار» ءَ سنا ءُ سپت کرت ءُ آوانی گوشت: اگاں راهے بیت که شمے لۆٹاں پێلو به بنت ما آ راه ءَ رو اێں، ابید شه اێشی ما انگت «اۆپار» ءُ «رندگیری» کن اێں تاں وختےکه الله مشکلان ءَ جۆڑ کنت.
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (26 تیرماه 1405/ 17 جولای 2026)، ایران ءُ امریکه ءِ…
مولانا عبدالرشید شهبخش ماں زابل ءِ نمازجمعه ءِ دیوان ءَ گۆں اشاره به مردمانی رۆزیگی سکیان گوشت: گوستگێں ماهاں ناداری،…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (19 تیرماه 1405/ 10 جولای 2026) گۆں اشاره به جنگ…
مولوی سید عبدالمحسن ساداتی ءَ ماں سراوان ءِ آدێنگ ءِ نمازجمعه ءَ گوشت: یکے شه سالمێں زندمان ءُ چاگرد ءِ…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (12 تیرماه 1405/ 3 جولای 2026)، گۆں اشاره به مردمانی…
مکران ءِ جهمنند پارسی ئێں ٹکّانی پجّیگ ءَ پێش چه میلاد ءِ اولی هزاره ءَ اے دمگ ءَ آتکگ انت،…