سیستان ءُ بلوچستان ءَ هر گیس سلنڈر ءِ نهاد ده برۆبر بوتگ

🔹هوا که سارت بیت ماں ایران ءِ رۆدراتکی شهراں نۆکێں قصه ئے بنگێجَ بیت. هرسال زمستان ءَ سیستان ءُ بلوچستان ءِ مردماں گۆں گێس ءُ تێل ءِ کمی ءَ آماچ بےانت. سرکار په نیمون ء دێمداری شه شپکی ءَ، گێس ءَ کمَ کنت ءُ نهاد ءِ برز کنت، بے اێشی که نادارێں مردمانی هیالداری ءَ کنت.  

🔹 زاهدان ءِ تێلءُ گێس ءِ شرکت ءِ جار ءِ رد ءَ آ نندۆکاں که شه شهری گێس ءَ زبهر انت، هر گێس سیلنڈر گۆں پێسر ءِ سرکاری نهاد ءَ دیگَ بےانت، بلێں آدگه مردم بائد هما نهادے را دےانت که ملک ءِ ڈن ءَ دیگَ بیت. گۆں اے هال ءِ شنگ بیگ ءَ هر گێس سلینڈر ءِ نهاد ده برۆبر بوت که نۆکێں بڈے انت ماں نادارێں مردمانی کۆپگاں که شه شهری گێس ءَ زبهر انت.  

🔹 بازێں گِسےانت ماں شهراں یا هلکاں که گێس ءِ پائپ اۆد ءَ نه رستگ یا گێس رستگ بلێں گێس‌کشی ءِ هرچاں انچۆش باز انت که گس‌واهندان ءَ آنکس زر ءُ وس نێست تاں وتی گسان ءَ گێس‌کشی کن انت. بےدرێں گێس سلینڈرے که گۆں سرکاری نهاد ءَ دیگ بیت هم ماں زمستان ءَ بسَ نه کنت، هما هم په شری گیر نه ییت ءُ بائد انت رۆچ ءِ نێم ءَ گێس ءِ سرپانی تها گوازێں انت که گۆں هوا ءِ سارتی ءَ په مردماں نۆکێں دردسرے بوتگ که بائد اے نادارێں مردم به هر گێس ءِ سیلنڈرے 318 هزار تومن دےانت.