مسلمانی ءِ چێدگ

مسلمانی ءِ چێدگ اێش انت که « دگرانَ آزار مه دے یے» نه که «دگرانَ مه رنجێنے» پچےکه مردماں رنگ‌رنگێن تب دار انت، لهتێن زوت‌رنج انت، لهتێن زوت راہ‌بُرّی کن انت ءُ بےاێشی که ما آوانی حقے تها بدی کن اێں شه ما رنج انت. لهتێن هم هست انت که زندگی ءِ راه ءُ رهبندانَ منّ ات نه کن انت ءُ مئے په‌رهبندێن زندگی آوانَ رنجَ دنت. په درور همسایگے که همسایگی ءِ رهبندانَ دلگۆش نه کنت هر رنگ که آیرا سرپد کنے دلگران بیت یا همکارے که ماں کارجاه ءَ کمے اڈنگ بڑنگ انت اگه هررنگ سرپد ئِے کنے دلگران بیت.

واجه رسول الله صلّی‌الله‌علیه‌وسلّم ءَ اے ٹکّان زانتگ که پرمایش ئِے کرتگ: «المسلم من سلم المسلمون من لسانه ویده» گواچنی ئێن مسلمان کسے انت که مردماں شه آیی دست ءُ زبان ءَ آسودگ بےانت. ما نه توان اێں شه دگرانی رنجگ ءَ دێمداری کن اێں، بلێن بےشک گوں کمے دلگۆش ءَ توان اێں وتی دست ءُ زبان ءَ واگ کن اێں تاں دگرانَ مه رنجێن اێں.

چۆناهی ءَ گواچنی ئێں دیندار کسے انت که مدام جهد کن انت تاں الله ءِ بندگ ءُ بنێنتگاں شه آیی دست ءُ زبان ءَ آسودگ بےانت. نه آ کس که په درور په نماز ءِ وانگ ءَ گۆں جماعت ءَ سک آزگ‌سما انت ءُ چهرگ ئِے الله ءِ دۆستانی رنگ ءَ انت، بلێن الله ءِ مخلوقاں شه دست ءُ زبان ءِ تاهیر نه دار انت.

من اے ٹکان نبشت تاں وتی جند ءَ گوش آں که گواچنی ئێں مسلماں هم دین ءِ ظاهری اعمالان دلگۆش کنت ءُ هم اے ٹکانَ بےهیال نه کنت./ سنی‌آنلاین بلوچی