حسین زهی ءَ گوشت: نزیک به 80 درصد شه خواش شهر ءَ آپ ندار ایت ءُ 20 درصد دگه آپ ئِے شۆر انت که په شۆدگ ءَ هم زبر نه انت.
اسماعیل حسین‌زهی گۆں انتقاد شه آپرسانی ءِ بدێن جاور ءَ ماں سیستانءُبلوچستان ءِ لهتێن شهر ءُ هلکاں ءُ آپے بند بیگ ءَ گوشت: من په وتی ڈیه ءِ لهتێن شهرانی دیستن ءَ شتگ آں، بژن انت که یک شهرے پنام «ده رئیس» ماں ایرندگان ءَ شه 24 ادار ءَ تهنا یک ادار آپ دار ایت. اگاں استان ءِ کارمسترانی کچءُکساساں آپی باروا دلگۆش بےانت گڑا سرپد به اێں که آوانی کچءُکساس آپے باروا راست نه انت. تهنا 20 درصد شه اے ڈیه ءِ هلکاں شپءُرۆچ آپ دار انت ءُ آدگه بس یک ادارے آپ دار انت که په هر نپر ءَ کمتر شه 50 لتر ءَ انت.