🔷 زاهدان ءِ هۆنێن جمعه ءِ جنایت هچ‌بر بےهیال نه بیت؛ مردم په عدالت ءِ اجرا ءَ وداریگ انت

سنی‌آنلاین| مولانا عبدالرشید شه‌بخش، ماں زابل ءِ جمعه نماز ءِ دیوان ءَ (11 فروردین 1402/ 31 مارس 2023) شه زاهدان ءِ هۆنێن جمعه ءِ پێشامد ءَ یات کرت ءُ گوشت ئِے آ جنایت بےهیال نه بیت ءُ عدالت ءِ اجرا آیی باروا مردمانی لۆٹ انت.

زابل ءِ آدێنگ ءِ امام ءَ ماں یک بهرے شه وتی گپان درشان کرت: زاهدان ءِ هۆنێن جمعه ءِ ٹوهێن جنایت هچ بر بےهیال نه بیت، پچےکه ماں آ جنایت ءَ صداں نپر کشگ ءُ ٹپی بوت انت ءُ بازێنے هم لُکٹ ءُ فلج بوتگ انت که آوانی لۆگمان بائد سالاں گۆں آوانی نادراهی ءَ گلائێش بےانت.

مولانا عبدالرشید سکّ سۆگه کرت: ملک ءُ استان ءِ مردم ءُ شهیدانی لۆگماناں وداریگ انت تاں کارمستراں عدالت ءُ آمید ءَ اجرا کن انت ءُ اگاں راجی ءُ مذهبی ءُ دگه مسائلانی سبب ءَ اے مظلومانی هۆن ڈالچاربیگ بیت، گڑا پکا اے ننگ کارمسترانی پێشانی ءِ سر ءَ مان ایت.

بدرالعلوم زابل ءِ دینی وانگجاه ءِ سرمستر ءَ بندیگێن پاگواجهانی آزاتی ءَ لۆٹۆک بوت ءُ ٹکاٹک گوشت ئِے: پهکێن پاگواجهان که مظلومانی حق ءَ را جار اش جتگ ءُ پمێشا بندیگ بوتگ انت، هاس مولانا عبدالمجید مرادزهی که نادراه انت، بائد آزات بےانت.