🔷ما انگت زاهدان ءِ پێشامد ءِ تهلی ءَ مارشتَ کن اێں
سنیآنلاین| شیخالحدیث مولانا عبدالرحمن چابهاری، ماں چهبار ءِ جمعه نماز ءِ دیوان ءَ (۶ آبان ۱۴۰۱) همےپێم که «زاهدان ءِ فاجعه» ءُ بێڑ به شاهچراغ ءَ را اێر ئِے جت، گۆں اشاره به شیخالاسلام ءِ جاگه ءَ مردمانی دێم ءَ، وتی پلهمرزی ءَ شه واجه ءِ لۆٹاں جار ئِے جت.
شیخالحدیث مولانا عبدالرحمان درشان کرت: مولانا عبدالحمید حفظهالله انچنائیں مردمے نه انت. واجه ءِ که من پجاه ئِے کار آں گۆں اێشی که درایت ءُ برزێں تدبیر ءِ واهند انت، آیی اۆپار ءُ مدارا شه هرکس ئِے دگر ءَ گێشتر انت، بلێں په الله ءِ هاسێں بندگاں ماں راجدپتر ءَ ٹوهێں چکاس بوتگ. بلۆچستان ءِ وڑوڑێں مردماں شه مولانا عبدالحمید ءَ پلهمرزیَ کن انت.
چهبار ءِ جامعةالحرمینالشریفین دینی وانگجاه ءِ سرمستر ءَ به مولانا عبدالحمید ءِ گپاں زاهدان ءِ هۆنێں جمعه ءِ پێشامدے بارو ءَ اشاره کرت ءُ گوشت ئِے: مولانا عبدالحمید په پێشامدے پٹءُپۆل ءُ مجرمانی پجار ءُ دستگری ءُ حقے اجرا ءَ گپ کرتگ تاں مامور ءُ ذمهوار زانت که ملک بےحسابءُکتاب نه انت.
واجه ءَ دێمتر ءَ ٹکاٹک گوشت: ما انگت زاهدان ءِ پێشامد ءِ تهلی ءَ مارشتَ کن اێں. یک مردمے کشتن هنچکائێں چیزے نه انت. چۆن یک مامور ءُ سربازَ توانت بےسلاهێں مردمانی نێمگ ءَ آسکاری کنت؟! هماپێم که پێسر ءَ یک رمبے شه منی نێمگ ءَ په همدردی ءَ زاهدان ءَ شت ات انت ءُ زاهدان ءِ پێشامد ءَ را اێر اش جت ات، من هم دوارگ آ پێشامد ءَ اێر جناں.
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…