- سنی آنلاین - http://sunnionline.us/balochi -

ذمه‌واراں مردمانی توار ءَ بشکن انت که شه گرانی ءَ زهرشانیَ کن انت

سنی‌آنلاین|شیخ‌الاسلام مولانا عبدالحمید، ماں زاهدان ءِ جمعه نماز ءِ دیوان ءَ (30 اردیبهشت 1401/ 20 مه 2022) گۆں اشاره به اقتصادی ءُ رۆزیگی مشکلانی گێش بیگ ءَ ماں ملک ءَ، ذمه‌وارانَ سۆگه کرت که مردمانی توار ءَ بشکن انت که شه گرانی ءَ زهرشانیَ کن انت ءُ په اقتصادی مشکلانی حل ءَ چارگے گند انت.

◻️په سنی‌آنلاین ءِ سرهال ءَ شیخ‌الاسلام مولانا عبدالحمید ماں اے دیوان ءَ درشان کرت: منی سۆگه په ذمه‌واراں اێش انت که استمان ءِ توار ءَ ءُ هاس آوان که گوش انت ما گشنگ اێں ءُ مئے وس ءَ نه بیت که گۆں اے گرانیاں خرید کن ایں، بشکن انت؛ اے توار ءُ کوکارے که باید اشکنگ بیت.

◻️واجه ءَ سکّ سوگه کرت: درّێں ذمه‌واراں! وتی استمان ءِ توار ءَ بشکن ات و پراوانی مشکلاں چارگے گند ات. سیاست ءُ تدبیر باید وڑے بیت که مردمانی وشنودی حاصل بیت ءُ ماں جهان ءَ اے گهترێں سیاست انت. الله وهدے وشنودَ بیت که استمان وشنود بیت، اگه استمان ءِ وشنودی حاصل بیت گڑا درے دشمنان هم نه توان انت سوءاستفاده کن انت.

◻️زاهدان ءِ جمعه ءِ امام ءَ گوشت: هماپێم که مزن شأنێں قرآن ءَ ٹکاٹک گوشتگ که گهترێں سیاست په تیوگێں حکومتاں «برۆسه ماں الله» ءُ «مردمانی ساتگ» انت؛ «يَا أَيُّهَا النَّبِيُّ حَسْبُكَ اللهُ وَمَنِ اتَّبَعَكَ مِنَ الْمُؤْمِنِينَ» [أنفال: 64] شه اے بابت ءَ گهترێں سیاست ءُ تدبیر همێش انت که مردمانی وشنودی حاصل بیت ءُ په مردمانی تاهیر ءُ راحتی ءَ چارگے گندک بیت.