مولانا عبدالحمید وتی همدردی ءَ گۆں چار گونڈل ءِ پشپدان درشان کرت

سنی‌آنلاین| شیخ‌الاسلام مولانا عبدالحمید ماں ٹوئیٹے په چهبار ءِ پیرسهراب ءِ وئیل ءَ وتی بژنءَ را درشان کرت که کرۆدے لمبگ سبب بوت لهتێں زهگک مر انت ۆ ٹپی بےاَنت. واجه ءَ گۆں آوانی لۆگماناں همدردی کرت ۆ شه ذمه‌واراں لۆٹ اتِ که په زهگکانی لێب ۆ گوازی ءِ وازمندیانی پوره کنگ ءَ جوانێں رهبند درگێج اَنت.

🔹ٹوئیٹے نبشته اے وڑ اِنت:

«چهبار ءِ گمبارێں وئیل که کرۆدے لمبگ سبب بوت ماں پیرسهراب ءَ چار گونڈل بێران بیت ۆ سے ٹپی، په امّا ۆ اے ڈیه ئے مردمان دردآور اَت.

گۆں تسلیت په آ شُتگانی لۆگماناں، لۆٹ همێش اِنت که ذمه‌واراں په زهگکانی لێب ۆ گوازیجاهے جۆڑ کنگءَ جوانێں رهبند درگێج انت.»