سنیآنلاین| پرێری (دوشمبی 29 شهریور 1400)ءَ ماں زاهدانِ شهرے کرّءَ (قاسمآباد)ءَ چنکه گس ڈالێنگ بوت ۆ به یک بانُکے شه آ گسانی مردماں شه انتظامی واکانی نێمگ بےاحترامی بوت.
🔺په سنیآنلاینءِ سرهالا، کلیپےکه شه آ پێشامدءَ شنگ بوت ات، وختءِ که بانکے گسا ڈالێن اَنت، آ زهرشانیءَ کنت، لهتێن شه انتظامیءِ جنێنێں واکان گۆں رڈێں هبرءَ ۆ همےپێم گۆں بێڑءَ آیرا به ڈگارءَ جن اَنت که سببءَ بیت آ بانک تُس ایت. اے باروءَ مردم ۆ لهتێں شه شهرے ذمهواران انتقاد کرتگ.
🔺یکے شه زاهدانءِ شورای شهرے باسکان شه انتظامی واکانی بدێں کردارا گۆں آ بلۆچێں بانُکءَ انتقاد کرت ۆ شه تیوگێں شوراءِ باسکانی نێمگءَ شه مردمان عذر لۆٹ اِت ۆ گوشتِ ما شوراءِ باسکاں ۆ شهرداری شه قاسمآبادءِ گسانی ڈالێنگءَ سهی نبوتگ اێں. آیی گوشت که اے ڈیهءِ باروءَ تبعیض ۆ نابرابری بوتگ ۆ ما اے بنگپءَ رندگیریءَ کن اێں.
🔺همےپێم لهتێں شه دارالعلوم زاهدانءِ استادان اۆدا شت اَنت ۆ مردمانی هبر ۆ دردان اِش گۆش کرت ۆ شه آوانی مشکلاں سهی بوت اَنت. دارالعلوم زاهدانءِ استادان اۆدے مردماںءَ بێسه دات که ذمهوارانءَ شه آوانی لۆٹان سهیءَ کن اَنت ۆ وتی وسے کساسءَ په آوانی مشکلانی حل کنگءَ جهدَ کن اَنت.
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (22 دیماه 1402/ 12 جنوری 2024) گۆں اشاره به زرباری…