تیرگواری مه سراوانِ سیمسر ءَ لهتێن شه تیل‌باپاری کنۆکان کشگ ۆ ٹپی بوتگ اَنت

سنی‌آنلاین| سربوتگێں هالان ردءَ یک رُمّے شه بلوچێں تێلے کارۆبار کنۆکان ماں بم‌پشت، یکے شه سراوان مزن مێتگے ڈیه ئان زی دوشنبی ءَ (4 اسفند 1399/ 22 فبروری 2021) گوں ایرانی واکان تیرگواری ءِ سبب ءَ کشگ ۆ ٹپی بوتگ اَنت.

تێل ءِ کارۆبار کنۆکان په سیمسر ۆ بارڈرے بندگ ءِ خاطر ءَ زهرشانی کرت اَت که اے پێشامد جوڑ بوت. سراوان مزن مێتگ که گوں پاکستان ءَ هم سیمسر انت، تێلے کارۆبار ءِ اصلی اێں جاگه اَنت.

ماں شنگ بوتگێں ویڈئوئان بازێن تیرگواری ئے توار اُشکنگ ءَ بیت ۆ ٹپیان عکس ۆ بێران بوتگێن مردمانِ جنازه گندگ ءَ به‌یَنت.

محمد امین دهواری، سراوان چاگردی جهدکار ۆ سراوان پێسرێں شورای شهرے باسک ءَ مه گۆنڈێن نبشتانکے نبشت اَت: «شه شورای تأمین، فرماندار ۆ دادستان ءَ لۆٹ اێں اے باروا حقیقت ءَ پدّر کن اَنت، په امنیتے واستا اے پێشامدے جنایت کنۆکانَ مجازات کن اَنت. اے ورنایان که په چنڈے نان ءَ جهدَ کن اَنت، حق اش نه اِنت که تیر جنگ به بنت.»

ثناءالله بلوچ، بلوچستانے ایالتی پارلمانے جهگیر گوں اشاره به سراوان ءِ زی اێں پێشامد ءَ ماں توییتے شه ایرانی ذمه‌واران لوٹ اِت که اے پێشامدے جنایت کنۆکانَ مجازات کن اَنت ۆ نبشتِ: بلوچان گوں رۆزیگے سکّیان دێم‌په‌دێم اَنت. ایران ۆ پاکستانے دولتان باید په بلوچانِ بےکاری ۆ بےوسی ۆ گُشنگی ءَ جوانێں تۆجیلے درگێج اَنت.