شیخ الاسلام واجه مولانا عبدالحمید په اسلام و نظاما خیر و برکت انت

خوافَے دینی زانتجاهَے پاگواجها گوں اے بیانا که «شیخ‌الاسلام واجه مولانا عبدالحمید په اسلام و نظاما سراسر خیر و برکت انت»، شیخ الاسلامَے نمدیا که په رهبرا دیم داتگی، سرجمیں ایرانَے اهلسنتَے دل پریشانی زانت.

واجه مولانا حبیب‌الرحمن مطهری، چهارشنبهَے شپا، بزاں (۱۷ دی‌ماه ۹۹)ء، ماں وتی گپانے، که احناف خوافَے دینی دربرجاهَے نودربرانی دیوانا گوشتگت، گوشتی: واجه مولانا عبدالحمید، ماں نمدی یے که چه آئی نیمگا شِنگ کنگ بیتگ، اهل سنتَے چاگردَے ۴۲ سالی جنجال و اڑ و مشکلاں، بیان کتگنت.

احناف خوافَے دینی دربرجاهَے پاگواجها دیمترا گوشت: واجه مولانا عبدالحمیدا ماں وتی نمدیّا، اهل سنتَے ورنایانی مشکل، گهتریں مردمانی مشکل، دینی وانگجاهانی اَڑان و دود و ربیدگی مشکلاں،که اهل سنت گوں آیاں آماچ اَنت، بیان کُتگ.

واجه مولانا مطهریا گوں منتواری چه واجه مولانا عبدالحمیدَے نمدیّا، گوشتی: واجه مولانا عبدالحمید په اسلام و نظاما خیر و برکت انت.
واجه مولانا عبدالحمیدا وتی عُمر، ماں دعوت، و چاگردَے اصلاح کنگا، و وعظ و بیانی دیواناں، هِشتَگ.
و په درائیں کشورا دلسوچ و نیک واهیں مردمے انت.

سرچمگ: سنت آنلاین_بلوچی