عربستان ۆ ترکیهءِ ڈنّے کاران وزیران گوں وت گند ۆ نند کرت

سنی‌آنلاین| عربستان ۆ ترکیهءِ ڈنّے کاران وزیران آدینگے رۆچا (27 نوامبر 2020) ماں اسلامی ملکانِ همکاری‌ئے هوربندے چل ۆ هپتمی‌ئێن دیوانا که اسلامی ملکان ڈنّے کاران وزیرانِ گند ۆ نند اَت ۆ ماں «نیامی» نیجر بُندرا برجم دارگ بوت ات، گوں وت گند ۆ نندش کرت.

په الجزیرهءِ سرهالا چاووش اوغلو، ترکیهءِ ڈنّے کاران وزیرا ماں گند ۆ نند گوں وتی هم منصبا فیصل بن فرحان شه ریاض په جی 20 دیوانے میزبانیا که مجازی برجم دارگ بوت ات، منتواریِ کرت.

چاووش اوغلو پد شه آ گند ۆ نندا ماں توئیتے آیرا «دۆستانه‌ئێن گند ۆ نندے» زانت ۆ نبشتِ: «ترکیه ۆ عربستانے همکاری نه تهنا اے دو ملکے پائدگا اِنت که گِردِ ڈیه (منطقه) شه اے همکاریا سۆبمندَ بیت.»

اے عربستان ۆ ترکیهءِ ڈنّے کاران وزیرانِ ائولی‌ئێن گند ۆ نند اِنت پد شه 2018ئا وهدے که جمال قاشقچی ماں عربستانے کنسولگریا ماں استانبولا کُشگ بوت.

البت که کوشست په اے دو ملکے رهوتا (رابطه) پد شه رجب طیب اردوغان، ترکیهءِ راجکماشے تلیپنا په ملک سلمان، عربستانے پادشائا شه جی 20 دیوانا ۆ دێم بنگیج بوت اَت.