شیخالاسلام مولانا عبدالحمید ماں زاهدانِ اهلسنتے جمعه نمازے دیوانا (16 اسفند 1398) گوں اشاره به زاهدانِ پارلمانے یازدهمین گشتے گچینکارییے لهتین پيٹییے دْوارگین شمارکنگا ؤ بازین بدل نبیگے به گچینکارییے آسراتا، زاهدانِ دیمے گشتانِ پارلمانے گچینکارییانِ سوباییے سوَبا «یکّویی» ؤ «پراهدلی» زانت.
په سنیآنلاینِ سرهالا؛ شیخالاسلام مولانا عبدالحمید درشان کرت: من گوستگین جمعه نمازے دیوانا شه دیمگوشیئا ماں زاهدانِ پارلمانے گچینکاریا هبر کرت ؤ لوٹتن که لهتین شه پیٹیان دوارگ شمارکنگ ببنت. لهتین پيٹییے را ماں معترضین کاندیدانِ دیما دوارگ شمارش کرته بلین بازین ٹگلے نیاته که گچینکارییے آسرات بدل بیت. واجها وتی هبرانِ دیمترا گوشت: امّا به همے کایدگا راضیئَن، پچے که معلومَ بیت که اے نیمگے کاندیدانِ سؤبمند نبیگا دگه سوَب داشته که اے نیمگے رائانِ تها بازین یکّویییے نبوته و رائان یکپهیک بوتگنت، همےپیم زانتکار ؤ وسیئین افرادانِ رد صلاحیت بیگا هم مردمانِ هبّ ؤ حالا را په هور بیگ ماں گچینکاریا سست کرت.
زاهدانِ جمعهی پیشنمازا گیش کرت: زاهدانِ دیمے گشتانِ پارلمانے گچینکارییانِ سوباییے سوَب تپاکی ؤ یکّویی ؤ پراهدلی ات، پراهین دیدانکے داشتن این بارهوا سکّ مهمنت، اے که ما دو پاٹی (سنی ؤ شیعهیا) که چو براسا گوں وت زندَ گوازیننت، یکجا بههلّن سکّ مهمنت، اے اعتدال ؤ میانهئین راهنت که هر وهد بائدات همے راها برَن.
واجها گوشت: هر وهدے که گچینکاریانِ بندات په کومگرایی ؤ گونڈین دیدانکا ببیت ؤ ما مَتوانن تیوگین زاهدانِ باشندگانَ چمّے چیرا گرن صدماںصد گوں سکّیا دیمپهدیمَ بيَن، البت که اے سکّیانَ تواننت پمّا سؤبمند بنت، پمیشا باز پریشان مبَئت، پچے که پارلمانے جهگیر بازین کارے نکننت، کانون جوڑَ کننت ؤ کانونانِ اجرا بیگا چارؤکنت، هرچؤن که مرچی کانونانِ اجرا بیگ باز خب نئِنت ؤ گوں مشکلاتے دیمپهدیمنت و هرکس زور داریت کانونا رعایت نکنت، بلین امّا بائدات کانونا رعایت کنن.
واجها تأکید کرت: ما بائدات وتی اصلیئین راها برون ؤ ماں هچّ جاورے تها شه دیانت، راستی، امانتداری ؤ اعتدالے راها چوٹ مرّون ؤ مدام پهکانِ سؤبانَ چمےچیرا گرن که سوبایی همے چیزانِ توکائنت، بازنت آ پروشے که انسانے سوباییئے سوَبَ بینت ؤ انسان گوں اے پروشان کتهکارَ بیت.
مولانا عبدالحمید وتی هبرانِ گڈسرا گوشت: جا داریت که من شه وزارت کشورا بابت گچینکارییے برجمدارگا ؤ خاص زاهدانِ لهتین پيٹییے رائان دوارگین شمار کنگا منتواری کنین، پچےکه دیمے گشتان شکایت دلگوش نبوتنت، بلین اے گشتا شکایت دلگوش بوتنت، اے کار سوَبَ بیت که آیوکا تقلب مبیت، پچے که زاننت که پيٹیان دوارگ شمار کنگ بَینت.