زی(10خرداد1398)ءَ زاھدانے جمعہ نمازا واجہ شیخ الاسلاما سیستان و بلوچستانے گازائیل کشّانی سکّی و جیڑھانی بابتا چہ مجلسے نماینده/کرشی دارءُ استانی مسئول/ سربراھاں لوٹِت اے ناگیگی و مشکلانی واستا راھے درگیجِت.
چہ زاھدانے اھلسنتے جمعہءِ پیشنمازے دفترا اشکتگیں ھالے ردا سنی آنلاینے ھال رسانیے ھال، شیخ الاسلام مولانا عبدالحمیدا گوشتگ: استانے گازائیل کشّانی لھتیں جیڑہ ھست انت کہ انگت آ نہ گیشّتگ انت من چہ مجلسا کرشی داراں لوٹاں گوں استانی سربراھاں بہ نِندنت و اے بنگپ (گازائیل کشی)ءِ سرا تران بہ کنَنت و اے جیڑها پہ جوْانی بہ گیشّیْناں چیا کہ اے استانے ناگیگییں.
واجها گپ دیما برتگ: گازائیل کشّی کارے نهیں، بلے مردم بیکاری و استان بے ڈگار و دام و کارخانہ ایءِ آماچیں. پدا گوں انیگیں سِرْین پروشیں اقتصادا باید مردمانی ھیال و چارگ بہ بیت آ کار و باراں کہ بازیں تاوانے نیست آیانی تھا گوں مردماں آسانی بہ کنِت داں آیانی پرزونگ بے نگن مہ بیت.
زاھدانے جمعہءِ پیشنمازا گوشت: آ کہ گوں گازائیلا مزنیں تجارت کننت و میلیونانی میلیون لیتر چہ مرزا کَشّنت آیانی باید دیم دارگ بہ بیت، چیا کہ اے مرزءِ نندوکیں مردمانی حق انت کہ گوں گالنے گازائیلا نگن گِرَنت و وَرَنت. اگاں اے کارے دیم دارگییں گڑا باید ھمایانی دیم دارگ بہ بیت کہ گوں گازائیلا مزنیں تجارت کَنَنْت. آ مردم کہ لاچاریءِ سوَبا اے کارا کننت آیانی دیم باید گرگ مہ بیت.
مولانا عبدالحمیدا گوں استانی سربراھاں اے جیڑهے گیشّینگے دزبندی کت و گوشت: مارا امیت انت کہ گوں ھما مزن مردی و ھیالداریا کہ ما چہ استانی سربراھاں دیستگ اے بنگپے سرا ھیال و چارے کن انت.
چہ نیروی انتظامیءِ مھروانیں فرماندها انچش چہ واجھیں استاندار و ولی فقیہ نمایندہ و دگہ استانی سربراھاں دزبندی انت کہ بہ نند انت اے بنگپا بہ گیشّیْن انت.
دیمترا واجہءَ گوشت: امیتیں کہ گازائیل کش گوں راھنمایی و رانندگیءِ راھبندانی ھیالداریا، دگہ ھچ ناگیگیءِ آماچ مہ بنت. چہ سرابراھاں دزبندی انت گازائیل کشانی دیم تیر گواریءِ اجازت مہ دئیت؛ انقلاب سکّیانی وھدا ھمے مردم انت کہ گوں مارا ھمکوپگ انت.
واجہ مولانا عبدالحمیدا گپانی گڈّی بندا گوں گازائیل کشاں گوشت:
انشاء اللہ شمئے اے جیڑہ گیشّ انت. منی دزبندی گوں سرجمیں گازائیل کشاں ھمشیں اوپار بہ کننت و پریْشان مہ بنت.
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…