شیخالاسلام مولانا عبدالحمیدا اِے هفتگِ (21 اردیبهشت 1397) زاهدانِ جمعۀ نمازِ گپاں، په امریکۀ دربیگ و پشت کنزگ چه برجاما که گۆں ایران و 5+1 مذاکراتا دستا یهتگت اشاره کرت و امریکۀ اِے کاری بینالمللی قانونانی خلافا زانت.
په سنیآنلائنِ هالکاریا واجه مولانا عبدالحمیدا گوشت: امریکهیا وتسرا بے اِشی که په وتی اِێرانی طرفِ نێمگا دلگۆش بکنت، چه عهدنامهاِے که ایران و دنیاءِ مزنواکانی درمیانا بندگ بوتگ اَت در بوت.
واجها گێش کرت: امریکه هما حالا چه برجامِ عهدنامهیا در بوت و پشتا کنز اِت که اِێران اِے عهدنامۀ بندانی سرا کامل پابند بوتگ و په هستهاِی سلاحِ پیم کنگا هچ کارے نکرتگ. اگه امریکۀ دولت په دل وتا بینالمللی قانونانی سرا پابند زانت، آئیا حقّ نێست که چه برجاما درکپیت.
زاهدانِ جمعۀ پێشنمازا گوشت: امریکۀ وتسری درکپگ چه برجاما اخلاقی لحاظ و بینالمللی قانونانی مطابقا رد اِنت، اِے رازێں کار سبب بنت که توافقنامه و عهدنامه وتی ارزش و اعتبارا چه دست دینت.
مولانا عبدالحمیدا گێش کرت: ما امریکۀ درکپگا چه برجاما اِێر جنین و محکوم کنێں و چه آ دگه ملکاں که برجامِ عهدنامه تها شریک اَنت، لۆٹێں که اِے عهدنامه سرا پابند ببنت و پشتا مکنز اَنت؛ ایران هں باید اِے عهدنامه سرا پابند ببیت.
مولانا عبدالحمیدا یک دگه بهرے چه وتی گپاں اسرائیلِ موشکی حمله یا مں سوریاءِ خاکا اشاره کرت و اسرائیلِ اِے کاری اِێر جت و گوشتی: هچ ملکا حق نێست که دگه ملکے سرا زۆراکی بکنت.