دو جهانِ سردارِ‌ناما / شعر

محمّد! په تو صدهزاراں سلام/ تئی همره ءُ جانثاراں سلام
تئی بزمے پروانگاں ای رسول/ تئی دوست ءُ تئی بیلءُ یاراں سلام
سلام برتو ای احمد مصطفی!/ نبیِّ مکرَّم، دُرِ اِجتَبَا
سلامے پیاپی ز پیش خدا/ په تو سیّد ءُ خاتمِ انبیا
تئی دشتءُ وتئے کوهساراں سلام/ سلامے چو قطراتِ باراں سلام
به فاروق ءُ صدیق اکبر سلام/ په عثمان ءُ عباسءُ حیدر سلام
به طلحه، زبیرءُ دگر ابنِ عوف/ په سعدءُ سعیدءُ ابوذر سلام
تئی عاشق ءُ دل فگاراں سلام/ نکو سیرتیں راز داراں سلام
تئی موطنے سنگ ءُ خاراں سلام/ تئی پهلوان ءُ مزاراں سلام
گلِ سرسبد، سیّد انسءُ جان/ تئی منزلے خانه داراں سلام
په عمّارءُ مقداد ءُ سلماں سلام/ په خالد، صهیب ءُ حسن جاں سلام
په حفصه و زینب و هم عائشه/ په ازواج پاکِ تو هرآں سلام
تئی گلشنے پاسداراں سلام/ جوانمرد ءُ تے شهسواراں سلام
تَوَے ای محمّد حبیبِ خدا/ تَوَے کاملیں مرشد ءُ رهنما
تَوَے ابرِ رحمت زدریای جود/ تَوَے رهبر ءُ سرورِ اصفیا
تئی عزّ ءُ شانا هزاراں سلام/ په تو مهربانا هزاراں سلام
تَوَے مَهبَطِ جبرئیلِ امین/ تَوَے حجّتِ کردگارِ مبین
تَوَے صدر و بدر جهاں، ای گزین/ تَوَے راحتِ جان و فتحِ مبین
تئی سرزمینے تلاراں سلام / گل ءُ پُلّ ءُ مَچ ءُ ڈگاراں سلام
په حضرت حسین ءُ بتولءَ سلام/ په عمَّینِ پاکِ رسول ءَ سلام
په یاسر، بلال ءُ خدیجه سلام/ په هر نوجوان ءُ کهول ءَ سلام
بَتُولے براس ءُ گهاراں سلام/ تئی سرجمیں دوستداراں سلام
دلانی قرارے رسولِ خدا!/ په تو مَے دل ءُ جاں بباتیں فدا
زهی عزّ باشد پذیری اگر/ سلامی ز روشندلِ بی نوا
په دیدارِ تو بے قراراں سلام/ تئی درگهے گلعذراں سلام