ڈاکٹر قاری محمدایوب یکّے چه نامداریں قاریاں و مسجدالنبی صلیاللهعلیهوسلمءِ پیشنماز، زیگیں سباه (28 فروردین 1395 /16 اپریل2016) ءِ نمازءِ وانگءَ پد، وفات بوت.
په سنیآنلاینءِ هالرسانی سایتءِ هالکاریءَ نقل چه عربی رسانکاں، قاری محمدایوب که 8 سالءَ ماں مدینه منوره، مسجدالنبیءِ پیشنماز بوتگ زیگیں سباهءَ ماں وتی عمرءِ 65 سالگیءَ رُکست بوت.
اِے نامدار و وش گُٹاِیں قاریءِ جنازهءِ نماز زیگیں ظهرءَ ماں مسجدالنبیءَ وانگ بوتگ و رندءَ ماں «بقیع»ءِ قبرستانءَ هاکءِ تهبیل بوتگ.
سعودی عربءِ «عکاظ»ءِ روتاکءَ زیگیں روچءَ نبشتگ: محمدایوب آوازے چه حضرت داوودءِ آوازاں بوتگ. آئیءِ قرآنی وشیں توارءَ هر اشکنوکءِ دل کَپ کت.
گوشگی اِنت ڈاکٹر محمدایوب ماں قمری1372ءِ سالءَ ماں مکه مکرّمهءَ چه ماتءَ بوت. 12 سالگیءَ قرآن مجیدی په پشت در برت. سال 1396 قمریءَ مدینه منورهءِ اسلامی زانشجاهءَ مان بوت و ماں سال 1408ءَ علوم تفسیر و قرآنءِ رشتهءَ وتی ڈاکٹری گواهی گپت.
قاری محمد ایوب 7 سالءَ مسجد نبویءِ پیشنماز بوتگ. قرآن مجیدءِ وانتگیں توارانی ردءَ اے قاریءِ توار باز وش اِنت و بازیں واهگدارے هستنی و چه ریڈیو و ٹلویزیونءَ شنگ بیت.
ایرانءِ اهلسنتءِ هالرسانی سایت، اِے مزنیں قاریءِ رُکستءَ په تمامیں مسلمان خاصکار خدامرزیءِ لوگی مردم و سیاداں تسلیت گوشیت و چه اللهءِ درگاهءَ لوٹیت که مرحومءَ وتی سارتیں رحمتانی چیرا جاه دیات و پُشپداں صبر و اوپارءِ هاٹیگ بدنت.
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (5 تیرماه 1405/ 26 جون 2026) گۆں اشاره به مردمانی…
شال ءَ ناشرکاری ءِ گر ءُ داریں آمیدگس ءَ گوادر ءَ راجی مچی کیس ءَ بلوچ یکجھتی کمیٹیءِ سروک ڈاکٹر…
خاش ءِ الخلیل مزن مسیت ءِ آدێنگ ءِ امام ءَ (۲۹ خرداد ۱۴۰۵/ 19 جون 2026) گۆں اشاره به تفتان…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (۲۹ خرداد ۱۴۰۵/ 19 جون 2026) گۆں اشاره به ایران…
سیستان ءُ بلوچستان ڈگارے که 84 درصد شه ملک ءِ مس ءُ نزیک به 40 درصد شه تنگۆ ءِ معدنانی…
دارالعلوم زاهدان ءِ قرآن مجید ءِ ترجمه ءُ تفسیر ءِ شانزدمی دوره ءِ بنگێجی مراگش مرۆچی چارشمبی ءَ (27 خرداد…