هپدهمی کتابءِ نمایشگاه/پیشدارجاه چه مرچی یکشنبه 25 بهمن 94ءَ ماں زاهدانءَ گوں بازیں استانی مسئول و کارمستر و اَلس مردمانی حاضریءَ پاچ کنگ بوت.
په ایرانءِ اهلسنت هالرسانی سایت “سنیآنلاین” ءِ هالکاریءَ نقل چه ایرنا، زاهدانءِ هپدهمی کتابءِ پیشدارجاه گوں 450 شنگجاه/انتشاراتءِ بهر زورگءَ بنگیج بوت. چه اے شنگجاهاں 22 شنگجاه همے استانءِ شنگجاه اَنت.
فرهنگ و ارشاد اسلامیءِ مدیرءَ گوشت: زاهدانءِ هپدهمی کتابءِ پیشدارجاه/تماشاجاه تا یک هپتگے په کتابءِ واهگداراں پاچ اِنت. ماں اے کتابءِ پیشدارجاهءَ گیش چه 50 هزار دانگ کتاب آرگ بوتگ و گوں 30 ماں صد آسانیءَ بها کنگ بنت.
کتابءِ دوزواه توان اَنت هر روچ سباهاں ساعت 9 تا 12 و بیگاهاں ساعت 4 تا 8 ءَ په کتابءِ نمایشگاه و پیشدارجاهءِ گِند وچارگءَ برو اَنت.
ماں اے نمایشگاهءِ بنگیجی دیوانءَ واجه مولانا عبدالحمیدءَ ماں وتی گپاں گوشت: انساناں چه قدیمءَ هرچے بوتگ و هرچے هست و دیمءَ هرچے بیتش همک چه کتاب اَنت. قرآن مجید «أمالکتاب» اِنت. تمامیں کتاب خب اَنت، بلے هچ کتابے په قرآن مجید و حدیثی کتابان نرسیت.
واجهءَ دیمءَ گوشت:مرچی بازیں نمایشگاهے برجم دارگ بیت، چه تماماں بهتریں نمایشگاه، کتابءِ نمایشگاه اِنت. ما باید وتی مردماں په کتاب ءِ مطالعه و وانگ هیل و عادت بدئیں. ما توانیں گوں مزنیں زانتکار و ادیبانی کتابان وانگءَ گوں آیاں همدیوان بئیں.
واجه مولانا عبدالحمیدءَ گڈسرءَ چه نمایشگاهءِ برجم داروکاں منتواری کت.
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (22 دیماه 1402/ 12 جنوری 2024) گۆں اشاره به زرباری…
ڈیه زانشێں زانتکاراں سیستان ءِ سیمسر ءِ باورا تپاک نه انت. سیستان ءِ نام ماں راج دپتری، حدیثی و تفسیری…