شیخ الاسلام مولانا عبدالحمیدءَ ماں زاهدانءِ جمعهءِ نماز وانوکانی دیوانءَ گوں انتقاد و گلہ چہ میاناستمان/بینالملل و دنیاءِ زوراکانی ناتوانیءَ چہ میان رودراتک/خاورمیانہءِ گِروکشّانی گیشّینگءَ گوشتی: اَمریکہ و روسیاءِ دل هچ پہ مسلماناں نہ سُهتگ، بلکیں اِشانی اُرُش/حملہیاں بدتر میان رودراتکی ملک برباد کرتگ اَنت.
پہ ایرانءِ اهل سنتءِ هالرسانی سایت “سنیآن لاین”ءِ هالکاریءَ زاهدانءِ جمعهءِ پیشنمازءَ ماں (17 مهر 1394) جمعهءِ نمازوانوکانی دیوانءَ گوشت: چہ دنیاءِ مرچیگیں حالات، خاصکار اسلامی ملکانی هالءَ چو جاه کئیت کہ امیتے پہ اشی کہ ملکانی رهدَربر و رهشون گوں وت بہ نند اَنت و پہ مشکلانی گار کنگءَ راهے در بگیج اَنت گندگ نہ بیت، بلے دگہ راهے هں نیست اِنت. نجاتءِ تهنائیں راه همیش اِنت کہ ملکانی رهشون و زانتکار بہ نند اَنت و گوں شور و مذاکرهءَ وتی اختلافات و مشکلاں بہ گِشّین اَنت.
واجہءَ دیمءَ تاکید کت: اے یقینی گپّے کہ نظامی اُرُش و ماندَیَگ، نہ توان اَنت اسلامی ملکانی مشکلات و درگیریانءَ بہ گیشین اَنت، بلکیں اے کار بدتر اختلاف و ناتپاکیاں گیشتر کن اَنت. امریکه و روسیا و دنیاءِ دگہ مزنواکیں مانمیارانی دل هچ پہ جهان اسلامءَ نہ سهتگ و پہ منطقهءِ ملکانی امن بیگءَ جنگ ندینت. اگہ اشاں بلوٹ اتیں گڑا اسلامی ملکانی مشکلاتءِ حل کنگ، په اشاں گران نہ ات.
دارالعلوم زاهدانءِ کارمسترءَ گوشت: اگہ میان استمان/سازمان مللءَ صحیح و راست ایں پکر بہ بوت ایں، گڑا ضرور توانتگت اش کہ راهے په اے ملکانی مشکلاتءِ گارکنگءَ در بہ گیج اَنت و گوں ملی و سرجمیں حکومتءِ تشکیل دیگءَ مشکلاتءَ حل بکن انت، بلے اپسوزی گپ اش انت کہ سازمان ملل و دنیاءِ مزنواک نہ لوٹ اَنت کہ مشکلات حل بہ بنت، بلکیں اے پہ وتی منافع و سوتءِ پدا انت و پہ وتی فایدهءَ مِلیوناں انسانءَ کش اَنت و بیگواه کن اَنت. سک دردناک انت کہ مرچی بازیں مسلمانے چہ بمبگواریءِ سببءَ کُشگ و چنڈ چنڈ کنگ بنت.
آموزش و پرورش هر چاگرد/جامعه ءِ ڈیکی/بنیاد اِنت
واجہ مولانا عبدالحمیدءَ ماں دگہ بهرے چہ جمعهءِ گپاں ماں زاهدانءِ جمعهءِ نمازوانوکانی دیوانءَ واجہ نخعی سیستان و بلوچستانءِ آموزش و پرورشءِ کارمستر کہ دیوان حاضر اَت وش آتک گوشت و اے واجهی یک آرام و معتدلاِیں کارمسترے زانت.
واجہ مولانا عبدالحمیدءَ “آموزش و پرورش چاگردانی ڈیکی زانت” و گوشتی: آ کہ آموزشوپرورشءِ کارمند اَنت آیانی وظیفه/ کار سک گران اِنت. تعلیم و آموزش توسعه و دیمرویءِ بُنرد انت. بلکیں ملکءَ هچ کارے چہ تعلیم و آموزشءَ ضروریتر مہ بیت. آ چاگردءَ کہ تعلیم مہ بیت اودا هچ چیز نیست.
زاهدانءِ جمعهءِ پیشنمازءَ دیم پہ آموزش و پرورشءِ کارمسترءَ گوشتی: ماں سیستانوبلوچستانءَ آموزشی و تعلیمی مشکل سک باز اَنت، همے خاطرءَ باید اے استانءَ آموزش و پرورش گیشتر کوشش بکنت. باید واجہ نخعی و آئیءِ همکاراں وتی تمامیں کوششءَ بکن اَنت تا کہ ملکءَ چہ هنوگیں حالتءَ در بکن اَنت. همے پیمءَ باید استانءِ تمامیں مردم عالم و کماش دگراں پہ اے کار ءَ تیار بہ بنت.
اهلسنتءِ فقہ باید وانینگ بہ بیت
دارالعلوم زاهدانءِ کارمسترءَ گوشت: ایرانءِ بنیادی کانود/قانونءِ مطابقءَ و پہ تپاکیءِ برجم دارگءَ، باید ماں مدیری و دولتی مدرسهیاں شیعه و سنیءِ فقہ جدا وانینگ بہ بنت.
واجہءَ گوشت: هال رستگ کہ اهلسنتءِ فقه، ماں دولتی مدرسهیاں شموشگ بیگءَ اِنت. و آ جاهاں کہ وانینگ بیت، انچیں استاد پہ تدریس و سبک دیگءَ گچین بنت کہ اے پڑ و میدانءَ تواناییاش نیست.منی هیالا باید شیعهءِ فقہءَ شیعه درس بدات و سنی ءِ فقہءَ سنی.
معلم و استاد باید ماں نمرهءِ دیگءَ تقوا و خداترسیءِ هیالداریءَ بکن انت
دارالعلوم زاهدانءِ کارمسترءَ گڈ سرءَ گوشت: لهتے استاداں ما را گوشتگ کہ لهتے مدرسهیانی مدیر پہ وتی مدرسهیانی درجہءِ بالا روگءَ ما را گوش اَنت کہ دربروکاں/دانش آموزاں گیش اِیں، نمره بدیت! بزان اَنت اے کار تقواءِ خلاف و حرام انت. باید اے کارءِ دیم گرگ بہ بیت.