واجہ مولانا عبدالحمید بزرگزاده، ایرانشهرءِ مسجد طوبیءِ جمعهءِ پیشنمازءَ، مرچی ظهرءَ پیسر، کوڑهایں دنیا یله دات.
پہ سنیآنلاینءِ هالکاریءَ، واجہ مولانا عبدالحمید بزرگزاده ، دارالعلوم حقانیهءِ حدیثءِ استاد و ایرانشهرءِ مسجدطوبیءِ جمعهءِ پیشنماز، مرچی 22 شهریور 1394 (29ذوالقعده1436)ظهرءَ پیسر، رند چہ ناجوڑیانی گوازینگءَ وتی عمر ءِ هپتاد و نهمی سالءَ دنیائی رُکست کت.
گوشگی انت واجہءَ مرچی سباهءَ دارالعلوم حقانیهءِ کلاسءَ حاضر بوتگ و «جامع ترمذی» حدیثءِ کتابی درس/ سَبَک داتگ.
واجه بزرگزادهءَ وتی درس/ وانگ پاکستانءِ جامعه بنوری نیوٹاونءَ در بُرتگ انت.
رند چہ دَرسانی دَربَرگءَ، واجہ ماں دارالعلوم حقانیهءَ پہ مسلمانانی زهگانی تعلیم و تربیتءَ مشغول بوتگ و کتاب «جامع ترمذی» ئی سبک داتگ. همے پیما واجہءَ «درس ترمذی» چه اردوءَ پہ پارسی رجانک کتگ.
واجہءِ جنازهءِ نماز مرچی مغربءِ نمازءَ پد، ماں ایرانشهرءِ قدیمی عیدگاهءَ گوں مزنیں پَبلکے مُچّیءَ وانینگ بوت.
اهلسنتءِ هالرسانی سایت، سنی آنلاین، اے واجہءِ نمیراں بیگءَ پہ تمامیں اهلسنتءَ خاصکار بلوچ راج و واجہءِ سیاد و لوگی مرماں تسلیت گوشیت، و وتءَ را گمانی شریدار زانت. الله تعالی واجہءَ بکشات و درجاتی بُرز کنات و پشپداں صبر و اوپار دیات. انچو بات
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (22 دیماه 1402/ 12 جنوری 2024) گۆں اشاره به زرباری…
ڈیه زانشێں زانتکاراں سیستان ءِ سیمسر ءِ باورا تپاک نه انت. سیستان ءِ نام ماں راج دپتری، حدیثی و تفسیری…
بلوچ یکجھتی کمیٹی ءِ جارکش ءَ وتی شنگ کرتگیں درشانے ءَ رسانکدر، پاکستان سرکار ءُ واکدار دلگوش داتگ اَنت ءُ…