اوّلی دینی مدرسه ماں اوکراینءِ پایتختءَ بُنگیج بوت+عکساں

گوں اوّلی دینی مدرسهءِ بُنگیج بوگ ماں(کی یف)شهر، اوکراینءِ پایتختءَ، اے ملکءِ مسلمانانی دیریگیں واهگ پوره بوت.

په سنی آنلاینءِ هالکاریءَ نقل چه “الجزیره نت” ءَ اوکراینءِ پایتختءِ مسلماناں رند چه إے اسلامیءُ دینی مدرسهءِ بنگیج بوگءَ وتی وشحالی جار جت.

إے دینی مدرسه که “مستقبلنا”(بزاں، مئی دیم راه) نام بندگ بوتگ، په اوکراینءِ مسلمانانی چوکّانی تعلیمءُ وانینگءَ جوڑ کنگ بوتگ.
إے مدرسه اوکراینءِ مسلمانانی دیریگیں واهگ بوتگ که په وتی دین، زبانءُراجی پجارءِدیمراهءَ دلگراں بوتگ أنت.