علم غیب

علمء غیبء معنی پوشیدئیں چیزانی بارہا زانگ انت اے خداوندء وتی یک خاصیں صفتے، اشی توکا آئی ہچ کسء را بہر و حصہ نداتگ:

قُلْ لا يَعْلَمُ مَنْ فِي السَّماواتِ وَ الْأَرْضِ الْغَيْبَ إِلَّا اللَّهُ (القرآن)
بگش نزان انت ہر آ چیزے کہ زمین و آسمانء تہا انت علم غیب ابید چہ اللہء‘‘ مارا اے خبرء سرا باور و ایمان انت کہ خداوند عالمء چہ اندازہے وت مناسب زانتگ ہما اندازہ علم غیب وتی پیغمبر کہ آئی ارادہ بوتگ دیم داتگ ایشرا قرآن کریم اظہار و اطلاع علم غیب گشیت۔ نہ زانگ علم غیب، علم غیب ہما چیریں چیزانی زانگ انت یکے کسء را وت پہ وت معلوم ببیت نہ پہ وسیلہ یک شخصے یا چیزے دگر۔
’’ وَمَا کَانَ اللّهُ لِیُطْلِعَکُمْ عَلَی الْغَیْبِ وَلَکِنَّ اللّهَ یَجْتَبِی مِن رُّسُلِهِ مَن یَشَاء ‘‘
اے اللہء طریقہ نہ انت کہ شمارا غیبء حبراں معلوم بہ کنت غیبء حال دیگء واسطہء آ چہ رسولاں بلوٹیت کجام یکے درچنت۔ یعنی چہ وتی رسولاں کجام یکے بلوٹیت گنائی غیبءِ حبراں کنت وحی و قرآنی ہر آیات تمام اطلاع غیب انت سورہ انعامء تہا فرمان انت ’’ وَعِندَهُ مَفَاتِحُ الْغَيْبِ ‘‘ خداء گورا انت لیکن غیبء کسی نزانت آیاں ابید چہ خدا انچو کہ پیشتر گشگ بوت کہ اے کائیناتء مخلوق ہژدہ ہزار انت یا گیش و کم بلے چشاں فقط سئے گروہء را فہم و حبر کنگء قدرت دیگ بوتگ و بس آدگر تمام تئی دیما گنگ انت او ہمے سئیں گروہ بلئے چہ ہر سئیں قسمء یک نفریارا علم غیب نیست انت و دیگ نہ بوتگ۔ و قرآن کریم ایشانی غیبء زانگء انکار کنت۔ اگر فرشتگانء علم غیب بہ بیت انت گڈا خداوند عالمء اے رسولء جوابء کہ: ’’ فقال انبؤنی باسماء هؤلاء ان کنتم صادقین ‘‘ بگش ات کہ منا اے چیزانی نامء گڈا نہ گشتش کہ: ’’ سُبْحَانَكَ لاَ عِلْمَ لَنَا إِلاَّ مَا عَلَّمْتَنَا ‘‘ بزاں گُشت اِش کہ مارا معلوم نہ انت چیز مگر ہما چیز کہ تو مارا گشتگ انت۔ چدا معلوم بیت کہ فرشتگانء علم غیب نیست و نزانت ہمے پیما جنانی مسئلہ انت وہدیکہ حضرت سلیمان بیت المقدسء نبا و بندگء زمانگء چہ جناں کار گپت یک روچے حضرت ایشانی دیما نشت وتی عصاے گوں وتی زنوکء تکہ دات اتفاق ملک الموت اہت و ہمے حالتء آئی روح قبض کت۔ و آئی مبارکیں جسم گوں لٹّ تکہ بوت دانکہ یک سالء ہمے حالتء آئی پاکیں جسم ایر بوت ادا نوں بیچارگیں جناں آرا دیم پہ دیمء نندگء دیست و آرش زندگ حساب کت و چائی ترسء کارش کت۔ نوں وہدیکہ حداوندء عالمء منشاء بوت کہ آئی موتء حالء جن و مردمانء بہ دنت۔ نوں آئی کرمانء حکم دات کہ آئی عصاء اش وارت و آئی پاکیں جسم بنا کپت نوں جناں فہمت کہ واجہ مرتگ۔
’’ فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَى مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ‘‘
وہدیکہ ما آئی سرا موتء حکم دات ہیچ چیزیء را آئی موتء خبر معلوم نکت مگر کرمان کہ آئی عصاء وارت وہدیکہ کپت نوں جنانء معلوم بوت۔ اگر ایان غیب بزانتیں پشت نہ کپت انت ذلتء توکا۔ چدا معلوم بیت کہ جناں ہم علم غیب نیست ہمے پیما اگر انسانء علم غیب ببوتیں گڈا حضرت آدم ابوالبشرء بوت کہ شیطانء دستء دوکہ نوارت وہدیکہ شیطانء گنائیاں قسم وارت کہ من شمے سوج دیگء اہتگ اون باوراش نہ کت و اے معاملہ اش سرا نہ کپت و چہ جنتء در کنگ نہ بوت انت۔
ہمے ڈولء حضرت نوحء قصہ انت اگر آرا علم غیب بہ بیت انت گڈا آئی وتی نافرمانیں چک کنعانء واسطہ گوں خداوند کریمء آبچگء واسطہء سفارش نہ کت اگر بزانتینی کہ خدا ناراض بیت و آرڈانٹینت ہنچو حضرت ابراہیم مسئلہ انت وہدیکہ خداوند عالمء حضرت لوط قومء تباہ و برباد کنگء گروہے فرشتگ راہ دات اول اے گروہ حضرت ابراہیمء کرّا اہت و مہمانء رنگء نشت واجہء اہانء مہمان سمجت و نانء و بند و بستء کنت وہدیکہ نان حاضر بوت اشاں وتی دستاں پہ نانانی گورء تچک نہ کن انت چدا نوں واجہء خوف و ترس بوت کہ شاید اے دژمن انت۔ وھدیکہ دیستی ایشانی دست نانای گورء نیاینت گڑا حیران بوت و تُرس ات، فرشتگاں گُشت کہ مترس ما دیم دیگ بوتگیں قوم لوطء نیمگء نوں آئیء زانت کہ اے فرشتگ انت‘‘ وہدکہ اے گروہ فرشتگانی حضرت لوطی قومء برباد کنگء خاطرء آئی لوگء شرّ رنگ و نوک بلوغیں بچکء رنگ و صورتء اہت و حاضر بوت انت آئی بی بی کہ کافر ات اے قومء بدکارین و فاسدیں مردمانء حال دات کہ مروچی سکیں شر رنگ و زیباہیں بچک اہتگ انت۔ اے نوں قومء یک بدبختیں گروہے اہت و مچ بوت انت حضرت لوط اش تنگ کت کہ اے مہماناں چہ لوگء در بہ کن، حضرت لوط کہ اللہء پیغمبر اَت بلے آئی نزانت کہ اے مہمان مردم نہ انت، نوں واجہ گوں قومء لوپراں فریاد کنت اے مردماں منی پاکیں جنک شمئے نکاحء حاضرانت بلے بچار ات منا بدنام مہ کن ات گوں منی مہمانء بدکاری مکن ات اگر اے واجہء را علم غیب بہ بیت انت پر چہ پریشان و سرگردان بوت؟۔
ہنچو حضرت یعقوب قصہ قابل ذکر انت کہ آئی لاڈکیں بچ حضرت یوست تا چل سالء چائی دیمء گار بوت آرا ھچ پیمیں حال و حبرے نہ رست و معلوم نہ بوت کہ نوں وہدیکہ ربء بے نیازء واھگ بوت کہ حضرت ظاہر و حضرت یعقوب سکی پہ وشی بدل بوت انت نوں گوں حضرت یوسفء جامگ دیم دیگء کہ ہنگت نہ رستگ آئی بو معلوم بوت و گشتے کہ منا مروچی یوستء بوبیت مردمان گشت تو ہما اولیں جاہلے ئے
’’ وَلَمَّا فَصَلَتِ الْعِيرُ قَالَ أَبُوهُمْ إِنِّي لأجِدُ رِيحَ يُوسُفَ. ‘‘
وہدیکہ جدا بوت کاروان گشت آئی پتء منء رسگا انت یوسفء بو
زمصرش بوی پیراھن شمیدی       چرا در چاہ کنعانش ندیدی
ھمے پیمء حضرت سلیمانء حال انت کہ آئرا تمام روئے زمینء بادشاہی و گوں مرغ و مورانی گفتگو و جنانی سرا حکم حاکمی قدرت دیگ بوتگ بلے چہ علم غیبء آرا ہم یک بہرے دیگ نبوت، یک روچے کہ آئی مرغانی حاضری گپت مرغ ہدہد گندگ نبوت، حضرت جوشء آتک زھر گپت و گشتے۔
’’ ﻣﺎ ﻟِﯽ ﻻ أَرَى اﻟْﮫُﺪْھُﺪَ ‘‘ کہ چی بوت من ہدہدء نہ گنداں، اگہ اے ہدہد یک معقولیں عذرے میاریت یا من اشارا کشاں یا کہ سکیں عذابے دیاں۔ ’’ فَمَکَثَ غَیْرَ بَعیدٍفَقالَ أَحَطْتُ بِما لَمْ تُحِطْ بِهِ وَ جِئْتُکَ مِنْ سَبَإٍ بِنَبَإٍ یَقینٍ‘‘ کمے دیرء رند ہدہد اہت و گشتے من آورتگ خبر یک چیزےء کہ ترا معلوم نہ انت و آحتگوں چہ ملک سباء گورا گوں یک یقینی خبرےء۔
اے خبر بی بی بلقیسء بادشاہیء حالتء کہ مرغی ہدہد دات اے واجہ چد و پیش اے حالء معلوم نہ ات کہ اے واجہء علم غیب نیست غرض کہ ہر رسول نبیء حالء بچارئے قرآن پاک آئی علم غیبء نفیء کنت، ہمے حال پیغمبر آخرالزمان صلی اللہ علیہ وسلم ئیگ انت، وہدکہ کفار مکہ آرا سے سوال پیش کت کہ اگر تو حقیں رسولے ئے مارا دنیاء خزانیاں پیش دارائین، دومی ایش انت کہ آمد و پیش آؤکیں حال و خبرانی اطلاع بدئے، اے خبر مئے فہمء نئیت کہ یک نفرے چہ مردماں کہ ہنچو مئے پیما ورگ و پوشاکء محتاج انت و آرا مات و پت بہ بیت و آئی صفت انسانی بہ بنت وانگت آخداء رسول بوت بکنت، بایدانت کہ اللہء رسول فرشتگ بہ بیت و آہانی صفت شہ ما جدا بہ بنت، چو بوتیں کہ اے رسولانی جوابء خداوند عالمء چو حکم دات۔
’’ قُلْ لا أَقُولُ لَكُمْ عِندِي خَزَائِنُ اللَّهِ وَلا أَعْلَمُ الْغَيْبَ وَلا أَقُولُ لَكُمْ إِنِّي مَلَكٌ إِنْ أَتَّبِعُ إِلَّا مَا يُوحَى إِلَيَّ ‘‘
اے رسول بگش من نہ گشاں گوں شما کہ منی گورا اللہء خزانہ ہست انت و ایکہ من زاناں چیریں چیزاں و من نہ گشاں گوں شما کہ من فرشتگیاں من پیروی کناں آچیزے کہ منی سرا وحی بیت۔ چہ علم غیبء زانگء کلی منع کنگء و رند خداوند عالم وتی رسول صلی اللہ علیہ وسلمء پہ ہمائی جندء زبانی یا کہ ترجماں وحی انت۔ علم غیبء نزانگ و نہ بوگء حکما دنت کہ تو پیغمبر وت بگش کہ منا علم غیب نیست۔
قُلْ لا أَمْلِکُ لِنَفْسی‏ نَفْعاً وَ لا ضَرًّا إِلاَّ ما شاءَ اللَّهُ وَ لَوْ کُنْتُ أَعْلَمُ الْغَیْبَ لاَسْتَکْثَرْتُ مِنَ الْخَیْرِ وَ ما مَسَّنِیَ السُّوءُ إِنْ أَنَا إِلاَّ نَذیرٌ وَ بَشیرٌ لِقَوْمٍ یُؤْمِنُونَ ‘‘
بگش من نہ اوں مالک وتی جندء نفسء و سیت و تاوانء مگر ہر چیزیکہ خدا بلوٹیت اگر من بزانتیں علم غیب بے شک باز جم کت من پروتء شرّی و نرست منا ہیچ نقصان من فقط ترسینوک و وش خبری دیوکے اوں پہ ہما قومیء یقین و باور کننت‘‘
یعنی اے پیغمبر تو ایشان بگش کہ منا ھچ چیزے علم غیب نیست اگر واقعی منا علم غیب بوتین من ضرور پروتء باز چیز جم کت و منء ھچ نقصان نرست من چہ وتء ہیچ نہ اون بلکہ یک ترسینوکے اون چہ خداء عذاباں و وش خبری دیوک اوں چہ آئی جنتء رحمتاں او اے سوالء جواب کہ رسول باید کہ فرشتگ بوتیں تو ہنچو مئیگء ورگ ورئے و پچ ہوشئے تو چوں اللہء پیغمبرئے۔
قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا ‘‘
بگش بے شک من شمئے پیمیں مردمے اوں منی سرا حکم کئیت کہ معبود یکے ہر کسے کہ واہگدارانت وتی ربء ملاقاتء آکس نیکیں عمل بہ کنت او شریک مکنت گوں ربء عبادتاں ہچ یک کسی را‘‘ یک سوالےء جوابء رسول اللہ صلی اللہ علیہ وسلم فرمان کنت۔
’’نحن نحکم بالظواھر واللہ متولی السرائر‘‘
ما ظاہریں چیزانی سرا حکمء دئیں و دستور جاری کنیں دلانی حال پوشیدئیں خبر و حالاں زانوک خدا انت۔ اصلی غیب و چیریں حال پنچ چیزانت کہ حضرت عبداللہ بن حضرت عمر روایت کنت رسول اللہ صلی اللہ علیہ وسلمء فرمائینت کہ اے پنچیں چیزانی حال و خبر و خداوند عالمء ھچ رسول و نبیء را پہ ذریعہ وحی ہم نداتگ انت۔ ایشانی حال آئیء جنتء معلوم انت و بس۔
’’ اِنَّ اللہَ عِنْدَہٗ عِلْمُ السَّاعَۃِ وَ یُنَزِّلُ الْغَیْثَ وَ یَعْلَمُ مَا فِی الْاَرْحَامِ وَ مَا تَدْرِیْ نَفْسٌ مَا ذَا تَکْسِبُ غَدًا وَ مَا تَدْرِیْ نَفْسٌ بِاَیِّ اَرْضٍ تَمُوْتُ اِنَّ اللّٰہَ عَلِیْمٌ خَبِیْرٌ‘‘ (القرآن: سورہ لقمان ۳۳)
بے شک اللہء گورء انت قیامتء حال و ایردنت ہوراں و زانت ہر چیزکہ ہست ماتانی لاپء او کس نہ زانت کہ آباندا چے کنت او کس نزانت کہ کجام زمینء مریت بے شک اللہ تعالی انت تمامیں چیزانی زانوک و باخبر انت۔

حاضر و حقیں علم غیب دانی چو نہ انت
قصہِ عائشہ حالتِ یعقوب شاہدانت

بی بی عائشہ آئی گوں منافقاں بہتامء بندگء درگتء کجام گرانیں حال و پریشانی واجہء سر نیاہتگ بلے تا وہدے آئی پاک و بیگناہیء حال چہ آسمان بزریعہ وحی نازل نہ بوت واجہ ہمے پیما تسلی نہ بوت۔

مولانا عبدالقیوم حقانی
سرچمّگ: راستیں راہ