بانکاں(بَینکاں) مردمانءَ حلالېں پول بدینت

شیخ الحدیث مولانا سیّد محمد یوسف حسین پور مدرسه عین العلوم ءِ مدیر ءُ گُشتءِ امام جمعه ماں وتی گپانی ٹُکُّرے ماں جمعهءِ خُطبَیاں (۸/ ۱/ ۹۳)  گۏں دلگۏش دَیَگ په گُشتءِ زمین جنب جتگانی کمکءِ طرحءَ  که کمکے‌اِنت بے عوض که آئیءِ مبلغ پنج مِلیون تومان ، ءُ  بیست مِلیون تومان وام‌اِنت گۏں چار درصدءِ سوتءَ، ءُ بے عوض‌اېں کمکءِ گِرَگ هم مشروط اِنت په سوت دارېں وامءِ گِرَگءَ، گْوشت: اپسۏز اِنت که بانکاں (بَینکاں) تیار نه‌اَنت که مردمءَ حلالېں زَرّ (کلّه‌دار) بدیَنت، بلکه پیکه آئیءَ حرام بکنَنت ءُ مردمانءَ بدیَنت.

واجهءَ فرمائش کُت: یک در صدءِ بهره هم حرام اِنت ءُ چه شرعءِ روّءَ کسے را آئیءِ گِرَگءِ حق نېست اِنت.
آئیءَ مردمءَ دلگۏشءُ گْور دات ءُ گْوشت: خداءِ شکر اِنت که په گْوستگېں زمین‌جُنبءِ کارپدءَ مئے گِلی ءُ سِنگی گِساں نگولّتَنت ءُ حتّی یکّےءِ پونز هم خون نیَهت ءُ اے خدایءِ لطف اَت. گڑا چه رِبائی وامءَ وتءَ پهرېز بکنېت ءُ اگاں نه اِشی سِلترېں عذابے را په مئے سرءَ کـَشّءَ کنت.
عین العلوم گُشتءِ مدیریت لهتےءِ فتوایءَ که په اے وامءِ گِرَگءِ جوازءِ قائل بوتگَنت، رد گْوشت.
رندءَ آئی چه مسؤولاں لۏٹت که کمکے مطابق گۏں اهلِ سنّتءِ مذهب ءُ فقه اختصاص دیَگ ببیت.

سر چمّگ: شیخ الحدیث ءِ وبتاک +سنت آنلاین