حضرت ابوبکر صدیقءِ زندءِ حال

 الله پاکءَ هرٹٻمبیءَ په همُک پیغمبرےءَ جانشینءُ پُشپَدے تعیین کرتگ، تاں که رند چه آپیغمبرءَ آئیءِ دینءُ دۏدءُ ربٻدگءَ شنگءُ تالاں بکنت،ءُ چه ٹَـگلٻنۏکانی ٹگلٻنتنءَ بِبچّٻنیت.

همے پیمءَ الله پاکءَ په مئی پیغمبرءَ لهتے جانشین دٻم دات که آیاں پیغمبرءِ اصحاب أنتءُ چه اصحابءِ میانءَ چار نفر په واجهءِ جانشینیءَ گچٻنءُ قبول کت. خلفای راشدین ماں دنیاءَ درکشتءُ تُپت أنت، وهدے که دۏستءُ دژمن آیانی زندگیءَ وانیت آئیءِ جانءِ مۏداں پاد کاینت.
إے نبشتانک یک چمشانکے په إے چارانی سرۏک حضرت ابوبکر صدیق-رضی الله عنه-إنت.
واجه ابوبکر صدیق-رضی الله عنه-هما کس إنت که رند چه پیغمبرءَ، اسلامی چه بٻران بوگءَ بچّائٻنت،ءُ جٻڑیانی آسی کشت.
حضرت ابوهریره-رضی الله عنه-گوشیت: منءَ اللهءِ قسم إنت اگه رند چه پیغمبر-صلی الله علیه وسلم- ءَ ابوبکر صدیق-رضی الله عنه-خلیفه مبوتٻں کسیءَ دنیاءِ سرءَ اللهءِ عبادت نکتگ أت.

نامءُ نسب
واجهءِ نام عبدالله، ءُ آئی ءِ کنیه ابوبکر ءُ لقبی صدیقءُ عتیق إنت.
آئیءِ نسب تا مرّه  گۏں پیغمبر-صلی الله علیه وسلم- ءِ نسبءَ هۏر بیت. ءُ دوسالءُ چند ماه چه پیغمبر-صلی الله علیه وسلم- ءَ گونڈترإنت.

پٻسر چه اسلام
حضرت ابوبکرصدیق-رضی الله عنه-ءَ جاهلیتءِ زمانگءَ عربانی پانگءَ باز مزنٻں جاگاهے هست أتءُ هچبرءَ شرابی دپ نجت.

اسلام آرگ
حضرت ابوبکر-رضی الله عنه-وهدٻکه چه پیغمبر-صلی الله علیه وسلم- ءِ مبعوث بوگءَ سهیگ بوت بے معجزهءِ لوٹگءَ ایمانی آرت.
ابن عساکر چه ابن عباس-رضی الله عنه-ءَ نقل کنت که پیغمبر-صلی الله علیه وسلم-  فرمائٻنت: من په اسلامءِبارهءَ گۏں هرکس گپ کت قبول إش نکرت، بلے صدیق اکبرءَ هما اول سرءَ اسلام په جانءُ مال قبول کرت.

مصاحبتءُ همراهی
حضرت ابوبکرصدیق-رضی الله عنه-پٻسر چه پیغمبر-صلی الله علیه وسلم- ءِ بعثتءَ گۏں واجهءَ سک سنگتءُ ساڑی أت، وهدٻکه واجه مبعوث بوت آیانی دوستیءُ رفاقت گٻشتر بوت.
عالماں نبشتگ: حضرت ابوبکرصدیق-رضی الله عنه-چه هما اولءَ همٻشه ته سفرءُ حضرءَ گۏں واجهءَ همسفرءُ هم قطار أت.

پهلوانیءُ دلٻری
حضرت ابوبکرصدیق-رضی الله عنه-هما کس إنت که ماں پر خطرٻں رۏچاں اسلامی آرت درحالٻکه آٹٻمبءَ ایمان آرگ باز سک أتءُ مردمانی په اسلامءِ دینءَ لۏٹائٻنتءُ یک مسجدے پیم کرتءُ ماں آ مسجدءَ صحباں قرآنی وانت.
ابوبکر-رضی الله عنه-هما کس إنت که اولی سخنرانیءَ ماں اسلامءِ تها کرتءُ چه آئیءِ کۏشستءُ زحمتاں بازٻنے چه قریشءِ بزرگاں چوشکه: حضرت عثمان، طلحه، زبیر، عبدالرحمن بن عوف ءُ عثمان بن مظعون-رضی الله عنه-مسلمان بوت أنت.

سخاوتءُ مال خرج کرتن
حضرت ابوبکر-رضی الله عنه-ءِ مالءِ خرج کرتن په دین اسلامءَ چه هچ کسیءَ چٻر نه إنت. آجاهے که الله تعالی قرآنءِ تها بیان کنت: «سیجنبها الأتقی الذی یؤتی ماله یتزکی وما لأحد عنده من نعمة   تجزی» حضرت ابوبکر مراد إنت.
واجه بن جوزی گوشیت: په پهکٻں مفسرانی اجماعءَ إے آیت ابوبکرصدیق-رضی الله عنه-بارهءَ نازل بوتگ.
ابوهریره-رضی الله عنه-روایت کنت که پیغمبر-صلی الله علیه وسلم-  فرمائش کرت: هچ مالے إینچو که ابوبکرءِ مالءَ من فائده ندات.
وهدٻکه صدیق اکبر-رضی الله عنه-ءَ إے گپ اشکت باز گرٻتیءُ گوشتی: ای رسول الله! منءُ منی مال تئی فدائنت.

اصحابءِ عالم ترٻں فرد
ابن کثیر گوشیت: اصحابءِ زانۏک ترٻں شخص حضرتءِ ابوبکر-رضی الله عنه-إنت په إے خاطرءَ که واجه پیغمبر-صلی الله علیه وسلم- ءَ وتی زندگیءَ په امامتءَ تعیین کرت درحالٻکه الله رسول-صلی الله علیه وسلم-  فرمائٻنیت: قرآنءِ زانۏگر حتما مردمانی امام ببیت.

واجهءِ بردباریءُ تواضع
حضرت ابوبکر گۏں اشی که پیغمبرءِ خلیفه أت إے اندازه تواضعءُ فروتنی هست أت وقتٻکه اصحابءِ گورءَ یهت، جَه یارگ نبوت. برے هشترءِ مهار کپت واجه وت إٻر کپتءُ مهاری زرت واجه اینچو چه غرورءُ تکبرءَ دور أت که گوشتی: تکبرءُ غرور جنٻنانی کار إنت.

واجهءِ ترس چه اللهءَ
احمد چه حسنءَ روایت کنت که ابوبکر صدیق-رضی الله عنه-فرمائٻنت: ای کاش که من یک مودے چه یک مؤمنے جانءَ ببوتٻاں.
یک رۏچے درهچے سرءَ مرغے دیستی گوشتی: ای مرغ! خوش بحال تو منءَ اللهءِ قسم إنت که منی دل لۏٹیت چۏشکه تو ببوتٻناں پرچے که ترا حسابءُ عذاب نٻست.

واجهءِ خصوصیات
واجهءَ په دینءِ سرءَ باز غیرت هست أت که آئی إے تاریخی گپ«أینقص الدین وأنا حی» مئی گپءِ گواه إنت.
واجهءِ چهره اسپٻت أت نرم دلءُ وش رفتارٻں مردے أت.

واجهءِ خدمات
رندچه إشی که پیغمبر چه دنیا شت ابوبکرصدیق ماں کمکٻں وهدے بازٻں کارے کت، اسامهءِ لشکری دٻم داتءُ مرتدینءُ زکات ندیۏکانی چه بین برت، ماں جزیرة العربءَ نظمی بر قرار کرت، قرآنی جمع آوری کرت، ماں جزیرة العربءُ در چه جزیرة العربءَ جهادی شنگءُ تالاں کرت.

وفات
إے دلٻرٻنءُ مزنٻں واجه رند چه إشی که اسلامءِ تها بازٻں کارے کرت بعد چه دوسالءُ سئے ماه خلافت، سئے شنبهءِ شپ جمادی الآخرءِ 22 ءَ ماں 63 سالگیءَ ماں آحالءَ که إے دعاءَ وانگءَ أت«رب توفنی مسلما وألحقنی بالصالحین» وفات بیت.

نبیسوک: محمد امین حسین زهی
*************************************
سرچمگاں:
1-خلفاء رسول الله، علامه سیوطی
2-شیخین، عبدالرحیم خطیب
3-زندگانی شگفت انگیز ابوبکر صدیق
4-تاریخ الإسلام
5-خلفای راشدین