قطر کے ممتاز عالم دین علامہ یوسف القرضاوی نے کہا ہے کہ عرب ممالک کے عوام قابض اسرائیل کو اپنا دشمن سمجھتے ہیں مگر بعض عرب ملکوں کا حکمران طبقہ صہیونیوں کی غلامی پر رضا مند ہے۔ انہوں نے کہا کہ متحدہ عرب امارات نے اسرائیل سے دوستی کا معاہدہ نہیں کیا بلکہ دوستی کا اعلان کرکے اس نے صہیونیوں کی غلامی قبول کی ہے۔
مرکزاطلاعات فلسطین کے مطابق علامہ یوسف القرضاوی نے ایک بیان میں کہا کہ عرب ممالک کے عوام صہیونیوں کے سامنے گھٹنے نہیں ٹیکیں گے مگر بعض عرب ملکوں کے حکمران صہیونیوں کے سامنے سجدہ ریز ہو رہے ہیں۔ ان کا اشارہ متحدہ عرب امارات کی طرف تھا جس نے حال ہی میں اسرائیل کے ساتھ دوستانہ تعلقات کےقیام کا اعلان کیا ہے۔
علامہ القرضاوی کا کہنا تھا کہ عرب اور مسلمان ممالک کی عوام غاصب صہیونیوں کے خلاف مزاحمت پر قائم ہیں۔ وہ غاصب ریاست کو تسلیم کرنے کے بجائے ہرممکن وسائل سے اس کا مقابلہ کررہے ہیں۔
مرکز اطلاعات فلسطین