شام میں بین الاقوامی تنظیم صلیبِ احمر نے ٹوئیٹر پر بتایا ہے کہ دارالحکومت دمشق کے نزدیک واقع علاقے غوطہ شرقیہ سے طبّی بنیادوں پر افراد کا انخلاء شروع کر دیا گیا ہے۔
تنظیم نے کسی قسم کی تفصیلات کا ذکر نہیں کیا۔ غوطہ شرقیہ میں شامی صدر بشار الاسد کی فورسز نے تقریبا 4 لاکھ افراد کا محاصرہ کر رکھا ہے۔
اقوام متحدہ نے دمشق حکومت سے اپیل کی تھی کہ وہ فوری طبّی دیکھ بھال کے ضرورت مند 500 کے قریب مریضوں کے غوطہ سے نکالے جانے کی اجازت دے تا کہ ان لوگوں کی زندگیوں کو بچایا جا سکے۔