کابل: خودکش حملوں میں 7 افراد ہلاک، 21زخمی

افغانستان میں افغان اہلکاروں کو لے جانے والی بسوں پر 2 خود کش حملوں میں 7 فوجی ہلاک، 21 زخمی ہوگئے۔

طالبان نے حملوں کی ذمہ داری قبول کرلی اور دعویٰ کیا ہے کہ ہلاک شدگان کی تعداد 20ہے۔ پولیس کے مطابق افغان دارالحکومت کابل میں افغان نیشنل آرمی کے اہلکارو ں کو نشانہ بنایاگیا۔ طالبان کے خود کش حملوں میں ابتدائی طور پر فوجیوں اور عام شہریوں سمیت 7افراد کی ہلاکت کی اطلاعات ہیں، جبکہ متعدد زخمی ہیں۔ طالبان ترجمان ذبیح اللہ مجاہد نے حملے کی ذمہ داری قبول کرتے ہوئے دعویٰ کیا ہے کہ خودکش حملوں میں 20 فوجی مارے گئے ہیں۔

جنگ نیوز